Suliat nakuusernermut tunngasut 14-it sapaatit akunnerata naanerani aallartinneqartut
Kalaallit Nunaanni Politiit qaammat qiteqqunneraniikkaluartoq sapaatip-akunnerata naanerani ulapaarsimaqaat. Qaammatip taamaalinerani suliat imigassartorsimanermut tunngassuteqartut taama amerlatiginerat qaqutigoortuusinnaavoq, Kalaallit Nunaanni Politiini pigaartut pisortaat oqarpoq.
Kalaallit Nunaanni Politiit sapaatit akunnerata naanerani ulapaarput. Suliat inunnut imigassartorsimasunut tunngassuteqartut arlarllit tallimanngornermiit aallartinneqarput.
Assi: Oscar Scott Carl
Nuna tamakkerlugu politiit
sapaatit akunnerisa naanerani suliassamut tulliuttumukartinnatik
qasuersaarnissaminnut piffissaqarpiarsimanngillat.
Politiit nakuusernerit
katillugit 14-it tallimanngormat ualineraniit ataasinngornerup
ullaavata tungaanut orniguffigisarsimagaat, Kalaallit Nunaanni
Politiini pigaartut pisortaat Aputsiaq Hansen ilisimatitsivoq.
- Politiit sapaatit
akunnerata naanerani arlaleriarlutik orniguttariaqartarsimapput.
Inuit ornitatta amerlanerpaartaat imigassartorsimapput, Aputsiaq
Hansen oqarpoq.
Suliat aallartinneqartut
kisitsisinngorlugit:
- Angerlarsimaffimmi
eqqissiviilliornerit - 23-t - taakkunannga meerartallit marluk
- Aqqusinermi
eqqissiviilliornerit - 21-t
- Aalakoortut - 18-it
- Nakuuserneq pillugu suliat
- 14-it
- Inuit kissaatiginngisat -
7-t
- Tillinniarnerit - 2 -
Nuummi ataaseq Ilulissanilu aamma ataaseq
- Imigassartorsimallutik
biilertut - 4- Nuummi pingasut Narsami ataaseq
- Biilinik tillinnerit - 2 -
tamarmik Nuummi
- Imigassartorsimalluni
imaani angalaarneq - 1
Politiit qaammatip
qiteqqunnerani nalinginnaasumit ulapaarnerusimasut Aputsiaq Hansen
aamma oqarpoq. Tamannali sumik pissuteqarnersoq politiit
nassuiaatissaqartinngilaat.
