Politikikkut allanngorfiusimasumi
pingasunngornermi ullaakkut Kalaallit Nunaat itertinneqarpoq.
Partiit talerperliusut Demokraatit partiini annersanngorput qulinillu
Inatsisartunut ilaasortaqalerlutik. Kiinnat nutaat amerlasuut
ilaasortanngorput, Naalakkersuisuusimasullu annertuumik ikileriarput.
Inuit Ataqatigiit aqqaneq-marlunniit arfineq-marlunnut, Siumut
quliniit sisamanut ikilipput. Naleraq marloriaammik
qinigaatitaqalerluni sisamaniit arfineq-pingasunut amerleriarput,
Atassut marlunnik ilaasortaatitaqaannarpoq.
Politikikkut allanngorfiusimasumi
pingasunngornermi ullaakkut Kalaallit Nunaat itertinneqarpoq.
Partiit talerperliusut Demokraatit partiini annersanngorput qulinillu
Inatsisartunut ilaasortaqalerlutik. Kiinnat nutaat amerlasuut
ilaasortanngorput, Naalakkersuisuusimasullu annertuumik ikileriarput.
Inuit Ataqatigiit aqqaneq-marlunniit arfineq-marlunnut, Siumut
quliniit sisamanut ikilipput. Naleraq marloriaammik
qinigaatitaqalerluni sisamaniit arfineq-pingasunut amerleriarput,
Atassut marlunnik ilaasortaatitaqaannarpoq.
Demokraatit
naalakkersuisuutillugit namminersortut qinersinermi ajugaapput.
Siorna
upernaakkut ataatsimiinnermi nunami inatsisit inuussutissarsiutinut
tunngasut ilaat suliarineqarput. Aalisarneq pillugu inatsit
aalisarnermik inuussutissarsiummik tamakkiisumik allannguisussaq
aamma aatsitassarsiornermut inatsit, annikitsumik aatsitassarsiortut
atugaannik allannguisussaq, akuerineqarput. Takornariaqarneq
pillugu inatsit aamma
tusarniutigineqarpoq nunanit allaneersunit
akerlilersorneqartorujussuulluni. Ukiakkut ataatsimiinnermi
allannguuteqarpallaanngitsumik akuerineqarpoq.
Inatsisit nutaat
assigiissutaat tassaapput piginnittut amerlanersaat
nunaqavissuusariaqartut.
Aatsitassarsiornissamut
akuersissutinik piginnittut Kalaallit Nunaanni suliffeqarfittut
nalunaarsorneqarsimapput, takornariaqarneq pillugu inatsit
naapertorlugu piginnittut 2/3-ii Kalaallit Nunaanni
najugaqartassasut.
Aalisarneq pillugu
inatsimmi nutaami ukiuni tallimani najugaqarsimanissaq
piumasaqaatigineqarpoq, aamma 100 procentimik kalaallit
piginnittuussasut. Kiisalu avataani aalisarnermi pisassiissutit
annerpaaffilerneqassasut. Tamanna Kalaallit Nunaanni aalisarnermik
ingerlatseqatigiiffiit namminersortut annersaannut Polar Seafoodimut
eqquivoq, taakku inatsimmut naleqqussarniarlutik pisassiissutit
tunisariaqarsimavai. Polar Seafood 2022-mi nunap karsianut 445
millionit koruuninik iluanaaruteqarfiuvoq.
Inatsisit taakku
ernumanarput, niuernermimi periarfissat nunamilu aningaasaliinissamut
piumassuseq killilersorpaat. Aamma illuatungiliuttut tamarmik
aalisarneq pillugu inatsisip akuersissutigineqarnissaata
kinguartinneqarnissaa tamaviaarutigigaluarpaat, piumasaralugulu
minnerpaamik aalisarnermut qanoq sunniuteqassanersoq
nalilersorneqaqqaassasoq. Tusaaneqanngillalli, tamannalu
Naalakkersuisuusimasut maanna akisunaarpaat.
Kalaallit Nunaat
1980-ikkunnituut aningaasaqarnikkut ajornartorsiulernissaa, tassami
inatsisit nutaat inuussutissarsiornermut aningaasaatinullu
killilersuissammata, Sulisitsisut nunani tamalaani pisut
aallaavigalugit takornariaqarneq, aatsitassat, aalisarneq
aningaasaqarnerlu iliuuseqartoqartarnissaa kaammattuutigaat.
Demokraatit aamma taama isumaqarput.
Suliakinnerulerneq
suliffiit ikilinerannik aningaasarsiornerullu annikinnerulerneranik
kinguneqartarmat.
Politikerit tamarmik
namminiilivinnissaq kissaatigaat, Naalakkersuisuusimasullu
aningaasaqarnikkut namminiilivinnissarput ajornakusoornerulersippaat,
inuussutissarsiortut amerlasuut isumaqarput.
Demokraatit partiini
siuttuunerminni namminersortut politikerinit
tusaaniarneqarnerulernissartik naatsorsuutigisinnaavaat. Demokraatit
nunami siuariartortoqarlunilu ineriartortoqarnissaa politikkeraat,
ineriartornerlu ilaatigut namminersortut aqqutigalugit pissasoq.
Demokraatit suliffeqarfinnut akileraarutit appartikkusuppaat
suliffeqarfimmillu aallartitsinissaq ingerlatsinissarlu
pilerinarnerulersikkusullugit. Aallarnisaasut
tapersersorneqartariaqarput atugassaallu
pingaartinneqartariaqarlutik.
Nunap ingerlavissaa
aalajangerneqarpoq.
Demokraatit
inuussutissarsiortullu pilluaritsi.
