Suliffissarsiortut siornamit amerlanerusut
Suliffissarsiortutut 2025-mi juunimi nalunaarsorsimasut ukiup ukiup siuliata taamaalinerani nalunaarsorsimasunit 232-nik amerlanerupput. Suliffissarsiortutulli sivisuumik nalunaarsorsimasut siornamit ikinnerupput.
Arkivfoto: Leiff Josefsen
Suliffissarsiortutut 2025-mi juunimi nalunaarsorsimasut 1.546-pput.
- Suliffissarsiortutut ukiup siuliani nalunaarsorsimasunut sanilliullutik 232-nik amerlanerupput.
Naatsorsueqqissaartarfiup kisitsisit saqqummiussaani kingullerni tamanna erserpoq.
Sulisussarsiorlutik ujartuisut juunimi najugaqarfimminni sumiiffimmilu.
Kilde: Grønlands Statistik
Suliffissarsiortut nalunaarsorsimasut suliffissaaleqisutut kommunimut nalunaarsorsimasuupput.
Suliffissarsiortutut qaammammut ataasiaannarlutik arlaleriarlutilluunniit nalunaarsorsimanersut apeqqutaatinnagu suliffissarsiortutut nalunaarsorneqartarput.
Suliffissarsiortutut sivisuumik nalunaarsorsimasut ikileriartut
Suliffissarsiortutut nalunaarsorsimasut angutitaat arnartaannit amerlanerulaarput. Angutit suliffissarsiortutut 2025-mi juunimi nalunaarsorsimasut 831-upput, massa arnat 715-iusut.
Suliffissarsiortutulli 2024-mi ukiup sisamararterutaata pingajuata 2025-milu ukiup sisamararterutaata aappaata akornanni nalunaarsorsimasut ukiup siuliani taamaalinerani nalunaarsorsimasunit ikinnerupput.
Suliffissarsiortutut 2024-mi ukiup sisamararterutaata pingajuata 2025-milu ukiup sisamararterutaata aappaata akornanni nalunaarsorsimasut 2.302-usut 51,9 procentii qaammatinit pingasunit ikinnerusuni qaammatilluunniit pingasuni nalunaarsorsimasuupput, 11,3 procentiilu tassa 499-t qaammatit qulit aqqaneq-marlullu akornanni nalunaarsorsimasuulllutik.
- Arnat suliffisarsiortutut angutinut sanilliullutik piffissami sivikinnerusumi nalunaarsorsimasarput, Naatsorsueqqissaartarfik ilisimatitsivoq.
