Sulinngiffeqarnerunissamut siunnersuut naartusumut nuannaajallatsitsisoq

Pia Clasen Lundblad sisamassaa naartuvoq, maajillu naalernerani erninissani naatsorsuutigigalugu.

Angajoqqaat sulinngiffeqarnerisa sapaatip-akunnerinit 21-niit 37-nut sivitsorneqarnissaa pillugu siunnersuut marlunngornermi Inatsisartuni oqaluuserineqartussaq tapersersorpaa.

Naalakkersuisut er positive overfor at forlænge orlov

Skal forældreorloven forlænges fra 21 til 37 uger? Det skal Inatsisartut og Naalakkersuisut diskutere tirsdag. Naalakkersuisoq er positivt indstillet og mener, at det er på tiden at tage barselsreglerne op til revision.

Taanna isumaqarpoq angajoqqaat sulinngiffeqartarnerat sivitsorneqarpat angajoqqaat meeqqaminnut piffissaqarnerunissaat tapersersuinerunissaallu periarfissaalissasoq, ingammik meeqqap meeqqerivimmut sungiussiniarnermini napparsimasaqattaalissappat piffissaqarfiginerulissammassuk.

- Iluassaaq. Ukioq siulleq aamma meeqqat napparsimakulanerat ersarittarami. Piffissaqarluarfiginera toqqissisimanassaaq, Pia Clasen Lundblad Sermitsiamut oqarpoq.

Siunnersuut akuerineqarpat angajoqqaat sapaatit-akunnerinik 16-inik amerlanerusunik sulinngiffeqarsinnaalissapput, tamannalu iluaqutaasinnaavoq meeraq ukiumi siullermi napparsimasaqattaalissappat.

Kisianni...

Pia Clasen Lundblad perorsaasuuvoq meeraaqqerivimmilu atorfeqarluni. Naak sisamanut anaananngortussaalluni siunnersuut tapersersoraluarlugu perorsaasutut misilittakkani aallaavigalugit aamma isummerpoq.

Taanna isumaqarpoq meeqqat meeraaqqerivimmut isiaartarnerat sungiussiaarnermik kinguneqartartoq. 

-  Meeqqap isiaartarnera iluaralugu, kingusissukkut iseraangamik sungiussiniarnerat ajornarnerusarami. Taava isiaaraangamik meeqqamut angajoqqaanut sulisunullu oqinnerusarluni, Pia Clasen Lundblad oqarpoq.

Ilanngulluguli oqaatigaa angajoqqaat sulinngiffeqarnerat sivitsorneqarpat nunarsuarmioqataanitsinnut malinnaassangutta pissusissamisoortoq sivittorneqarnissaa.