Angalasunik nakkutilliisut sulinerminni atugaat Angallannermut Aqutsisoqarfimmiit Kalaallit Nunaanni Sullivinnik Nakkutilliisoqarfimmut misissoqqullugit qinnuigineqarsimanera Sermitsiami siusinnerusukkut allaaserinikuuarput. Sullivinnik Nakkutilliisoqarfimmiit Nuup mittarfiani imaluunniit Greenland Airportsimi nakkutilliinissamik suliaqartoqarnissaanik attaveqaqatigiittoqarsimanersoq maannamut tusarfiginikuunngilarput.
Sullivinnik Nakkutilliisoqarfimmiilli maanna allakaatigut paasissutissinneqarpugut:
Angalasunik nakkutilliisut sulinerminni atugaat Angallannermut Aqutsisoqarfimmiit Kalaallit Nunaanni Sullivinnik Nakkutilliisoqarfimmut misissoqqullugit qinnuigineqarsimanera Sermitsiami siusinnerusukkut allaaserinikuuarput. Sullivinnik Nakkutilliisoqarfimmiit Nuup mittarfiani imaluunniit Greenland Airportsimi nakkutilliinissamik suliaqartoqarnissaanik attaveqaqatigiittoqarsimanersoq maannamut tusarfiginikuunngilarput.
Sullivinnik Nakkutilliisoqarfimmiilli maanna allakaatigut paasissutissinneqarpugut:
– Unammilligassaasinnaasut Kalaallit Nunaanni Sullivinnik Nakkutilliisoqarfimmiit eqqumaffigineqartut, piaartumillu alakkarterinissaq pilersaarusiorneqartoq, nakkutilliisoqarfimmi pisortaq saaffiginnissuteqarmat paasissutissiissutigineqarnikuuvoq.
Taamaattumik nakkutilliisoqartussaassaaq. Qaquguli sulisullu allat atugaat pillugit nakkutilliiartortoqassanersoq allaqqanngilaq.
GAIR: Malittarisassat maleruarpavut
Sulisut nalunaaquttap akunnerpassuini sulisarnerat pillugu Sermitsiami atuartartut ilaat taamani saaffiginnippoq. Angallannermi Aqutsisoqarfimmit tamanna eqqumaffigineqartoq kingorna paasinarsivoq.
Aqutsisoqarfik Sullivinnik Nakkutilliisoqarfimmut allakkatigut 2025-mi juunip 26-ani saaffiginnissutimini ima allappoq:
- Silaannakkut angallanneq isumannaannersoq paasiniarlugu nakkutilliinitsinni Nuummi mittarfimmi angalasunik nakkutilliisut qaangiuttoortarnerat maluginiarparput, sulisullu ulluni tulleriinni arlalinni qaangiuttoortarlutik sulisinnaasarlutik. Sulinermi avatangiisit pillugit inatsimmut naapertuunnersoq qularutigigatsigu, atugassarititat nalilersorniassagassigit attaveqarfigaatsigit.
Sulisut arlallit sulinissamut pilersaarutaasunit amerlanerusunik sulisunnaasartut qaangiuttoorsinnaasartullut Greenland Airportsimii Sermitsiamut uppernarsarneqarnikuuvoq. Greenland Airportsimili pisortap oqarneratut maleruagassat malinneqarput:
- Sulinermili avatangiisit pillugit inatsit, aningaasarsianullu Namminersorlutik Oqartussanut isumaqatigiissutit soorunami malippagut, Jens R. Lauridsen augustimi oqarpoq.
