Sumiiffinni arlalinni timmisartuussinissat kinguaattoorput
Air Greenlandimit ullumi timmisartuussinissamut pilersaarutit silarlunneranik kinguaattoorfiupput.
Kangerlussuaq ullumi silarluttut ilagaat.
Assi: Jesper Hansen
Nutartigaq: Air Greenland ilisimatitsivoq sinerissami sumiiffinni arlalinni silarlunneraasimaneq kukkunerusoq.
Kinguaattoornernut pissutaasoq eqqortoq tassaavoq: Nuummil ullaap tungaa (pingasunngorneq) anorlernera peqqutigalugu ullormut angalanissat kinguaattuussapput.
- Ajuusaarutigaarput ajornakusoortitsisimassagutta qujavugullu naammagittarnissinnut paasinnikkassilu, ingerlatseqatigiiffik allappoq.
Angalanissamut pilersaarutit allannguutaat SMS imaluunniit e-mail aqqutigalugu ilisimatitsissutigineqassapput.
Nuummi marlunngornermi ualikkut anorersuarmat timmisartuussinerit tamarmik taamaatiinnarneqarput.
MALUGIUK: Sermitsiaq innuttaasunit Air Greenlandip Kangerlussuarmi silarlunneranik nalunaaruteqarneranik paasinninngitsunit saaffiginnissutinik arlalinnik tigusaqarpoq. Sermitsiaq pineqartoq pillugu Air Greenlandimut saaffiginnikuuvoq.
