Taseralik nutaamik pisortartaarpoq
Hennie Nielsen Lange Sisimiuni kulturip illorsuani Taseralimmi qaammatit pingasut sinnerlugit pisortaagallareerluni pisortatigoortumik atorfinitsinneqartoq, Taseralimmi siulersuisuni siulittaasoq Rasmus Frederiksen tusagassiuutinut nalunaaruteqarluni allappoq.
Assi: Taseralik
Taseralik piorsarsimassutsimut illoqarfimmut pingaaruteqartoq, innuttaasuniillu katersuuffiusoq, nutaamik pisortartaartussanngorpoq.
Hennie Nielsen Lange qaammatit pingasut sinnerlugit pisortaagallareerluni, pisortaasimasullu Inger Eriksenip oktober 2024-imi taamaatinnissaata tungaanut tullersortitut ataqatigiissaarisutullu atorfeqareersuulluni pisortanngussasoq, siulersuisuni siulittaasoq ilisimatitsivoq.
- Henniep Taseralimmi suliassat tamarluinnaasa ilisimaarilluarpai. Taamaattumik Taseralimmi siulersuisut suleqatigilluarnissaanut qilanaarput.
Ilanngullugu nalunaarutigaat Taseraliup Caféa attartortortaarnikuusoq, Kûnguak Café-Sisimiut, taannalu januar 2025 naajartornerani ammarnissaa ilimagineqarluni.
Hennie Nielsen Lange februaarip aallaqqaataa aallarnerfigalugu atorfinissaaq.
