Sapaammi septembarip 21-ani ulloq
nalinginnaalluinnartoq Gudrun Larsen ilaquttanilu Tiilerilaap eqqaaniittumut
Igaajaddivarmut angalaarput.Ukiaq imaalereermat ukiussamut piliassatik
kingulliit isumagisussaavaat. Ilaqutariilli tassaniinniartillutik malugisaqaleriasaarput.
- Ittuppalussuaq
tusaalerparput. Tusaareerlugu nunap sajunnera malugivarput, Gudrun Larsen
oqaluttuarpoq.
Sapaammi septembarip 21-ani ulloq
nalinginnaalluinnartoq Gudrun Larsen ilaquttanilu Tiilerilaap eqqaaniittumut
Igaajaddivarmut angalaarput.Ukiaq imaalereermat ukiussamut piliassatik
kingulliit isumagisussaavaat. Ilaqutariilli tassaniinniartillutik malugisaqaleriasaarput.
- Ittuppalussuaq
tusaalerparput. Tusaareerlugu nunap sajunnera malugivarput, Gudrun Larsen
oqaluttuarpoq.
NANGEQATTAARTULIAQ:
KANGIA PUIGUGAQ
Sermitsiaq Tasiilami angalaqqammerpoq, angalanermiillu allaaseriisat nangeqattaartut aqqutigalugit Tasiilaq eqqaalu pillugit ukkatarinnissaagut.
Allaaserisani unammilligassat periarfissallu ilaat, sumiiffimmi innuttaasut 2.500-it missaanniittut aqqusaartagaat sammissavagut.
Ulloq taanna Tasiilap eqqaani nuna
35-riarluni sajuppoq, sakkortunerpaat Rictherip nunap sajuttarneranut uuttuutaa
malillugu 3,9-mut 4,0-mullu uuttorneqarlutik.
-Annilaarpugut, meeqqat nuniattut uagut
uilortarluta sissami. Meeqqat avammut qiviarsimapput isumaqarlutinngooq
ilulissat nakkaattut, Gudrun oqarpoq.
Taamaalinerani Dora Larsen
Tiilerilaamiippoq, iggavimmiinniarlunilu ittuppalussuarmik tusaasaqalerpoq.
- Sakkortunerusumik sajoqqimmat sinittarfinniittoq assiliaatiga nakkarpoq.
Gudrun Larsen
- Suliaqarujoorlunga suna tamarmi
aallarpoq. Ittuppalulluni. Una nerrivik tigummilluataalerpara, tupinnaqaaq
sakkortullunilu, Dora Larsen oqaluttuarpoq.
Iggavimmi nerrivitsik sajuttuinnanngormat
annilaarsimaqaaq.
- Aatsaat taama sakkortutigisumik
misigivugut. Makkua tamarmik aallarlutik, Dora Larsenip iggavimmi ilisat
tikkuaatigalugit taama oqarpoq.
Assiliaq nakkartoq
Nunap sajunnerani iggavimmi nerrivik qanoq sajussimatiginersoq Dora Larsenip oqaluttuaraa.
Assiliisoq: Oscar Scott Carl
Gudrun Larsenikkut Igaajaddivarmiinnerminni
nunap sajunnerata kingorna avatangiisiminni maluginiagaqalerput.
- Pileriallaripput Igaajaddivarmi nuna pingasunngorluni sisoortoq, Gudrun Larsen oqaluttuarpoq.
Nunap sisoorneri annertunngillat qujanartumillu ajutoortoqarani. Ilaqutariit kingorna Tiilerilaamut angerlarput.
Angerlariillartullu nuna sakkortunerusumik sajoqqippoq.
- Igaajaddivarmi nuna sisoortoq
takoreerlugu uummalliornarpoq. Tikereerluta suli sakkortunerusumik sajummat
suli uummalliornarninngorpoq. Qalianiillunga ammut arpattariaqarlunga, ilakka
aamma annilaarsimapput.
Allaallu iikkamiittut ilai nakkaapput.
- Uanga ernumaneq ajorpunga, toqqissisimarusuttarpunga.
Dora Larsen
- Sakkortunerusumik sajoqqimmat
sinittarfinniittoq assiliaatiga nakkarpoq, Gudrun Larsen oqarpoq.
Dora Larsenip nuna sakkortunerusumik
sajoqqittoq aamma malugaa.
- Pissangaammeraluarpunga
oqarlungalu: “Sakkortusinerussava taava?”, Dora Larsen oqarpoq.
Nuna sajuttaqattaarpoq
Nunap sajunneri 129-t GEUS-ip septembarip 21-aniit oktobarip aappaanut nalunaarsorpai.
Grafik: GEUS
Tasiilap eqqaani nuna sajullattaasarpoq,
nunallu sajunneri 129-t septembarip 21-aniit oktobarip aappaanut GEUS-ip, tassa
Danmarkimi Kalaallit Nunaannilu nunap qanoq issusianik misissuiffiup
nalunaarsorsimavai.
- Siullermik malunnarpiarneq
ajoraluarpoq, massakkut malunnartorujussuusarpoq, Gudrun Larsen oqarpoq.
GEUS-ip nalunaarsuineri malillugit Tasiilap
eqqaani nunattalu sinnerani nunap sajuttarneri ukiuni kingullerni
sakkortusiartunngillat. Dora Larsenilli nuna sajuleraangat susoqartarnera
ilikkarluinnarsimavaa.
- Ittuppaluleraangat oqartarpunga
“nuna sajulerpoq”. Taava kingornasigut takkuttarpoq.
Naak nuna sajuttaqattaartaraluartoq
eqqissisimaniartarlutik Dora Olsen aamma oqaluttuarpoq.
- Uanga ernumaneq ajorpunga,
toqqissisimarusuttarpunga, Dora Olsen naggasiivoq.
Gudrun Larsen ilaquttanilu nunap sajunnerata nalaani nuniagiarlutillu uilortarput, kingornalu angerlartariaqalerlutik.
Assiliisoq: Oscar Scott Carl
