Timersortartut aqutsisullu 40-t ukioq manna Island Gamesimi peqataapput

Island Games Orkney-mi juulip 13-ianniit 18-iannut ingerlanneqarpoq.

Timersortartut nunatsinneersut pikkorissut aqutsisullu sulorarnermi, arpannermi, nalunnermi golfernermilu katillugit 40-t peqataapput.

Sapaatiummat juulip 13-ianni unammiuaarnerit 1500 meterimut arpannermik aallarnerneqarput, tassanilu Ilulissaneersoq Pilutaq Berthelsen peqataavoq. Taanna minutsit sisamat sekundillu 30-t atorlugit arpappoq.

Ullumikkut ataasinngornermi Kalaallit Nunaanneersut arpattartut marluk 10.000 meterimut arpannermi peqataassapput, taannalu Islandip nalunaaqutaa malillugu 17.10 – nunatta nalunaaqutaa malillugu 15.10 aallassapput. Taakku tassaapput Jannik Rosing aamma Rene Anda Nielsen.

Sulorartartut unamminissamut aamma piareeqqasut Kalaallit Nunaanni Timersoqatigiit Kattuffiat Facebookimi quppernermini nalunaarpoq.