Timmisartumik angalasut amerleriapiloortut

Ukiup aallartinnerani timmisartumik angalasut amerlanngillat. Kisitsisilli kingulliit pissutsit allanngorsimasut takutippaat. Ukiup siulianut sanilliukkaanni amerlanerulersimapput.

Assi: Leiff Josefsen

KASSAALUK KRISTENSEN KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 7. Juuli 2025 - 13:01

Annonse

Nunatsinni mittarfiit, ingammik Nuummi, ulapaarfioqaat.

Naatsorsueqqissaartarfiup timmisartumik angalasut pillugit kisitsisaataani kingullerni tamanna takuneqarsinnaavoq. Ukioq manna qaammatini pingasuni siullerni ukiup siulianut sanilliullugu timmisartumik angalasut ikinnerugaluarput. Angalasulli maajip qaammataaniit amerleriarsimaqaat. 2025-milu 2024-mut sanilliullugu amerlanerullutik.

- 2025-mi januaarimiit maajimut timmisartumik ilaasartaamik nunanut allanut angalasut 31.364-iusimapput, 2024-mullu sanilliullugit 7,4 pct.-inik amerlanerupput.

Timmisartumik angalasut ukiuni kingullerni sisamani agguaqatigiissinnerti.

Ilimagineqareersutut Nuummiit Nuummullu timmisartumik angalasut 2024-mut sanilliullugit amerleriarujussuartut Kangerlussuarmi ikileriarujussuarput. Nuummi mittarfissuup 2024-mi novembarimi atulerneranik tamanna pissuteqarpoq.

Kangerlussuarmut Kangerlussuarmillu timmisartumik angalasut 2024-mi maajimi 24.811-sut ukioq manna maajimi 2025-mi 2.081-iupput.

Maajimi timmisartumik angalasut katillugit 31.364-iupput, tassa siorna qaammammut tassunga sanilliullugu 2.151-inik amerlanerullutik.