Timmisartumik angalasut malunnartumik amerleriartut
Timmisartumik ukioq manna qaammatini qulingiluani siullerni angalasut 2024-mi ukiup naanerani angalasut amerlassusaat assigaat.
Nuummi mittarfik ukioq manna angalasut amerleriarnerannut sunniuteqangaatsiarpoq. New Yorkimut aqqut nutaaq juunimi ammaanersiorneqarmat una assilisaavoq.
Assi: Oscar Scott Carl
Nuummi mittarfissuup nutaap atulernerata kingunerisaanik Kalaallit Nunaanni timmisartumik angalasut amerleriarujussuarsimapput. Tamanna Naatsorsueqqissaartarfiup kisitsisaataani Greenland Airportsimit pissarsiarineqartuni uppernarsarneqarpoq.
Septembarimi 2025-mi ilaasut septembarimut 2024-mut sanilliullugit 20 procentimik amerlanerupput.
Nuup mittarfianieersut 2024-mi septembarimi angalasut amerlassusaat nunanut allanut angalanissamut inerteqquteqallatsiarneq pissutigalugu sunnerneqarsimasinnaapput.
Ukioq tamaat timmisartumik angalasut amerlassusaat 2025-mi septembari ilanngullugu 95.123-usimasut kisitsisit takutippaat, siornalu ilaasut 96.817-iusut amerlaqatigingajallugit.
Nuuk siornatigut Kangerlussuarmut aqqusaartunut sanilliullugu amerlanerungaatsiartunik aqqusaarneqarsimanera aamma takuneqarsinnaaoq.
Kangerlussuarli 2025-mi ilaasut amerlassusaat eqqarsaatigalugit mittarfinni tikinneqarnerpaat tulliattut suli inissisimavoq.
