KL

DK

Timmissat nappaataat Qaanaap eqqaani malamunni nassaarineqartoq

Timmissat nappaataat tuniluuttartoq Qaanaap eqqaani malamunni nappaatigineqarsimasoq paasineqarpoq. Timmissat nappaataat taanna sakkortuumik napparsimatitsisinnaavoq. Timmissat nappaataannik innuttaasut tunillanneqarsinnaanerat anikittoq, oqartussat nalunaarput.

Timmissat arlallit Qaanaap eqqaani napparsimasut toqusimasulluunnii ukiaq naammattoorneqarput. Timmissat timmissat nappaataannik tunillanneqarsimasut Kalaallit Nunaanni uumasunut nakorsaqarfimmi inuussutissalerinermilu oqartussaasut uppernarsarpaat.
KASSAALUK KRISTENSEN
Digitalimik aaqqissuisoq
Saqqummersinneqarpoq

Malamuit Qaanaap eqqaani timmissat nappaataannik napparsimareerlutik toqusimasut arlallit nassaarineqarput. Timmissat nappaataat nappaatigineqarsimasoq sakkortuumik napparsimalissutaasinnaavoq. Tallimanngornermi ualilluinnartoq Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfik taama nalunaaruteqarpoq.

Qaanaami innuttaasut arlallit malamunnik napparsimasunik toqusimasunilluunniit arlalinnik ukiakkut 2024-mi nassaartarput. Timmissat arlallit toqorarnerat pissutigalugu timmissat toqungasut oktoberimi 2024-mi katersorneqarput misissungassanngortinneqarlutik.

Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfiup, Pinngortitaleriffiup najukkamilu innuttaasut Danmarkimilu Fødevarestyrelsip suleqatiginerisigut timmiaq Københavns Universitetimi Statens Seruminstitutimut timmissat nappaataanik nappaateqarnera misissugassanngorlugu nassiunneqarsimavoq.

- Misissuinerup takutippaa timmiaq timmissat nappaataanik sakkortuumik napparsimalersitsisinnaasumik H5N5-imik nappaateqartoq. Nappaatit sakkortuumik napparsimalersitsisinnaasut tassaapput nappaatit timmissat toqorarnerujussuanik malitsillit. Timmissat taamatut nappaatillit allat piffissami tassani Islandimi Nunavimmilu naammattoorneqarsimapputtaaq. Piffinni pineqartuni marluusuni nappaat taana uumasuni miluumasunittaaq naammattoorneqarsimavoq, Kalaallit Nunaanni uumasunuy nakorsaqarnermut inuussutissalerinermullu oqartussaaffik tusagassiorfinnut nalunaarummi ilisimatitsivoq.

Inunnut tunillaassinnaanera aarlerinaateqarpoq

- Timmissanit tunillatsissimasunit timmissat nappaataanik inuit tunillanneqarsinnaapput taamatut pisoqarsinnaaneratalu aarlerinassusaa annikitsuararsuusutut nalilerneqarluni.

Timmissat toqusimasut mianersuullugit passunneqartarnissaat UNIO-mit kaammattuutigineqarpoq:

- Qaqorsaaserlutit assatit asattakkit, pingaartumik erlaveersereerninni.

- Timmissat erisarnagit amiikkit (pujoralatserinnginneruvoq).

Neqit manniillu nualluummik virusitaqarunik ooqqissunngorlugit siallugit/qalallugit verusitaat toqunneqartarput.

qaanaaq malemukker inuiaqatigiit fugleinfluenza veterinær- og fødevaremyndigheden i grønland samfund sundhed

ATORFIIT Se alle jobs

Powered by Labrador CMS