ITTOQQORTOORMIIT
Toqusoqarsimanera toqutsisoqarsimanertut misissuiffigineqarpoq – 27-nik ukiulik eqqartuussivimmi sassartinneqarpoq
Politiit ilisimatitsipput, Ittoqqortoormiini toqusoqarsimanera maanna toqutsisoqarsimanertut misissuiffigineqartoq.
Assiliisoq: Oscar Scott Carl
Angut 39-nik ukiulik arfininngornermi toqungasoq Ittoqqortoormiini nassaarineqarpoq.
Kalaallit Nunaanni Politiit sapaammi nalunaarput, suliaq toqutsisoqarsimanertut misissuiffigineqartoq, kiisalu angut tigusarineqartoq.
Tigusarineqartoq tassaavoq angut 27-nik ukiulik, pinerluttulerinermut inatsit naapertorlugu sapaammi matoqqasumik inatsit tunngaviusoq naapertorlugu killisiorneqartussaq.
Politiit pisortaata tullersortaa Malik Sandgreen suliaq pillugu imatut oqarpoq:
- Kalaallit Nunaanni Politiit suliamut atatillugu pinerluttulerisut, Københavnimi Politiit misissuisartut, kiisalu Danmarkimi nakorsat toqusimasut timaannik misissuisartut misissuinermi ikiuuttussat aggersarneqsarput.
Misissuinerup ingerlanneqarnera pillugu Kalaallit Nunaanni Politiit suliaq pillugu sukumiinerusumik massakkut oqaaseqarsinnaanngillat.
