KL

DK

Toqusut inaannut toqusunullu ikuallaavimmut siunnersuut taperserneqarpoq

Sisimiuni toqusut inaannik pilersitsinissaq toqusunullu ikuallaaveqalernissaanik Navarana Lennert-Andersenip siunnersuutaa Qeqqata Kommuniani kommunalbestyrelsimi atatasimiinnermi taperserneqarpoq. Ataatsimiinnermi aalajangerneqarpoq toqusut inaannik toqusunullu ikuallaavimmik pisariaqartitsineq misissorneqarlunilu inuiaqatigiinni oqallisigineqassasoq.

Navarana Lennert-Andersen (IA) er medlem af kommunalbestyrelsen i Qeqqata Kommunia.
Dorthea Reimer-Johansen
Journalist
Offentliggjort

Qeqqata Kommuniani kommunalbestyrelsip ullaaq manna ataatsimiinnerminni Navarana Lennert-Andersenip Sisimiuni toqusut inaannik pilersitsinissamik aamma toqusunut ikuallaavimmik pilersitsinissamik siunnersuutaa oqaluuseraat.

- Ilaasortat isumaat tusarusuppara, Navarana Lennert-Andersenip siunnersuutini kommunalbestyrelsimut ilaasortaqatiminut saqqummersereerlugu naggasiivoq.

Kommunalbestyrelsimi suleqatigiit illuatungiliuttullu siunnersuummut tapersiipput. Isumaqatigiissutigineqarporlu pisariaqartitsineq pillugu misissuisoqarlunilu oqallitsitsisoqassasoq.

Aalajangerneqarpoq attuumassuteqartut, soorlu peqqinnissaqarfik ilagiillu innuttaasut pisariaqartitsinerat pillugu tusarniaavigineqassasut.

Ikuallaavik oqallisigineqassaaq

Toqusunut ikuallaaveqalernissamut tunngatillugu siunnersuut aamma ilaasortanit tamanit taperserneqarpoq. Oqariartuutigineqarporlu inuiaqatigiit akornanni oqallisigineqaqqaartariaqartoq, tassani pisariaqartitsineq pillugu oqallittoqassalluni.

Toqusunut ikuallaaveqalernissaanut tunngatillugu Naalakkersuisut nalunaarusiorsimanersut aamma paasiniaavigineqassaq, nalunaarusiortoqarsimappallu nalunaarusiaq pissarsiarineqassalluni. Tassani aalajangerniarnermut tunngaviusinnaammat.

Navarana Lennert-Andersenip siunnersuutimi tapersernerarnera nuannaarutigaa. 

samfund inuiaqatigiit

ATORFIIT Se alle jobs

Powered by Labrador CMS