Trump akitsuusersuinissamik sioorasaarereersorlu Kinamit ileqqorluttuliortutut unnerluutigineqarpoq
Trumpip tallimanngornermi ilimasaarutigaa, USA kinamiunut nioqqutissiaannut akitsuusiisoqaqqissasoq. Iliuuseq Kinamit ileqqorluttuliornertut nalilerneqarpoq.
USA-p præsidentiata, Donald Trumpip aammalu Kina præsidentiata, Xi Jinping-ip assiat 2019-meerpoq. Trumpip aappassaaneerluni atuuffiani, januaarimi aallartinneqartumi, suli maannamut naapinnikuunngillat. (Asseq toqqorsivimmit).
Assiliisoq: Kevin Lamarque/Reuters
USA-p nalunaarutaa, Kinamiut nioqqutissiaannut 100 procentimik akitsuutit qaffaanissamik imaqartoq, ileqqorluttuliortoqartillugu qanoq pissuseqarnermut takussutissiarineqarpoq.
Sapaammi ullaakkut Kina-p niuernermut ministeriaqarfiup nalunaarutaani taamak qisuariartoqarpoq, nutaarsiassaqartitsivik AFP allappoq.
- USA-p nalunaarutaa mumingariinnik iliuuseqarnermik takussutissaavoq, oqarpoq oqaaseqartartoq aterminik taasinngitsoq nalunaarummi oqarpoq.
- Akitsuutinik qaffaanissamik sioorasaarisaqattaarneq Kina-mut qanillattornerunngilaq naleqqunnanilu.
Tallimanngormat USA-p præsidentia, Donald Trump, attaveqaqatigiittarfimmi Truth Social-imi nalunaarpoq, USA-p akitsuusersuinera 100 procentimik kinamiut nioqqutissiaannut qaffaanissamik atuutilersitsiniartoq.
Taanna aamma allappoq akitsuutinik qaffaaneq atuutilersinneqassasoq novembarip aallaqqaataani.
Kina maannakkorpiaq USA-mit 30 procentimik akitsuusersorneqaqqavoq.
Trump-ip nalunaarutaa pivoq, Kina-p nalunaarutigereeraalu, aatsitassanik qaqutigoortunik nunap avammut nioqquteqartarneranik nakkutilliineq sukateriffigineqassasoq.
Taama aalajangerneq Kina-p illersorpaa unnuaq nalunaarutigisamini, tassanilu oqaatigineqarpoq, aqutsinermik sukaterineq inatsisitigut tunngavissaqartoq. Reuters allappoq .
Kinap nunarsuarmi aatsitassat qaqutigoortut suliarineqarsimasut 90 procentii sinnerlugit tunisassiarai aammalu qaqutigoortumik atortut magnetit tunngavigalugit.
Amerikamiut præsidentiata aamma Truth Socialimi allappaa, USA-p "software pingaarutilik tamarmi" tunisassiarineqarnissaat killilersorniarlugu, aamma novemberip aallaqqaataani atuutilersussamik.
Kinap præsidentianik Xi Jinpingimik ataatsimeeqateqarnissani, qaammatip matuma ingerlanerani Korea Kujallermi pisussaq pillugu aamma Trump sioorasaarivoq ataatsimiinnissaq unitsinniarlugu.
Ataatsimiinneq, Trump Det Hvide Husimi januaarimi aappassaanik atuutilermalli, Trump aamma Xi, nunarsuarmi aningaasaqarnikkut anginerpaat marluk siuttui, siullerpaamik ataatsimeeqatigiinnissaat taanna pisussaavoq.
Kinami niuernermut ministeriaqarfiup nalunaarutigaa, nunarsuarmi pilersuinermi isumannaatsuunissaq eqqissisimanissarlu nukittorsassallugit illersussallugillu Kina piumassuseqartoq.
