Trump akuerineqarpoq ikiuiniarnermut milliartinik arlalissuarnik sipaaruteqarnissaminut
Nunarsuarmi inunnik ikiuiniarnermut aammalu USA-mi radiomut tv-mullu Ni milliarder dollarit sinnerlugit amerlassusillit tapiissutaasartunit 9 milliarder dollarit sinnerlugit peerneqartussanngorput.
Sisamanngornermi tallimanngornermilu ataatsimiinnermi USAmi konkres (Inatsisartut, aaqq.) Trumpip sipaarniuteqarnissamut pilersaarutaanut akuersissuteqarpoq. Republikanerit Konkressimi siulittaasuat Mike Johnson naapertorlugu, Trumpip taamaalilluni amerikamiut aningaasartuutaanik aqutsinissamut qinersinermi neriorsuutini piviusunngortippaa.
Assiliisoq: Jonathan Ernst/Reuters
Repræsentanternes Hus USA-mi danskit nalunaaqutaat malillugu tallimanngornermi ullaakkut nunap præsidentiata, Donald Trumpip, siunnersuutai arlallit, ilaatigut ineriartortitsinermut ikiorsiissutit annikillineqarnissaat, akuersissutigaat.
Nutaarsiassaqartitsivik Reuters taamak allappoq.
Ni milliarder dollarinik - koruuninngorlugit 58 milliardinik - nunarsuarmi tamarmi inunnut ikiorsiissutit kiisalu radio-kkut tv-kkullu aallakaatitsivinnut tapersersuinerit annikillineqassapput.
Repræsentanternes Husimi ilaasortat 216-it sipaarniarnermut pilersaarummut akuersillutik taasipput. 213-it akerliullutik taasisut.
Siunnersuutit sisamanngornermi aamma Kongressip aappaani, Senatemi, akuersissutigineqarput.
Præsidentip sipaarniarnermut pilersaarutaa maanna Det Hvide Husimut nassiunneqassaaq, tassanilu Trumpip atsiorpagu atuutilersinneqassaaq.
Pilersaarutit Republikanerit partiiani ilaasortat ilaannit akerlerineqaraluartut, partii tanana Kongressip immikkoortuini marluusuni amerlanerussuteqarpoq.
Aalajangernissamut tunngavissiaq taamaattumik allannguuteqartinneqarpoq, sapaatip akunnerani matumani Senatemi Repræsentanternes Husimilu taasissutigineqannginnerani.
Siunnersuummi 400 millioner dollarinik peqqissutsimut pilersaarutinut tapersersuinernit peerneqassasut ilaavoq - ilaatigut aidsimik akiuiniarnermut - peerneqarput, tamanna pivoq senatorit republikanerit arlallit akerliullutik taasigaluartulluunniit.
Mike Johnson, Republikanerit Repræsentanternes Hus-imi siulittaasuat, naapertorlugu Trump-ip qinersinermi amerikami aningaasartuutinik aqutsinissamik neriorsuutigisimasani piviusunngortippaa taasinerup kingorna. Tamanna taasinerup kingorna oqaaseqaatimini allappoq.
- Præsident Donald Trump aamma Republikanerit Repræsentanternes Hus-imi neriorsuipput aningaasaqarnikkut akisussaassuseqarnermik aammalu naalakkersuisut sunniuteqarluartumik ingerlatsinissamik.
- Ullumi neriorsuut taanna suli piviusunngortipparput, Johnson AFP naapertorlugu allappoq.
Kongressimi sipaarniarnerit siullermeertumik taasissutigineqarput, sipaarniarnerillu taakku siullermik amerikami naalakkersuisut avaataanni Doge-mit Elon Musk-i siuttoralugu siunnersuutigineqaqqaarput.
Trump-ip januaarimi Musk atorfinitsippaa aningaasartuutinik sipaarniarnissamik nassaarniartussatut inissisimatillugu.
Tamatuma kingorna Musk-ip atorfik qimappaa.
Ni milliarder dollarit sipaarniarneqartussat, amerlanerpaartaat USAID-imut, amerikap ineriartortitsinermut ikiuinermut agenturimut, atugassiissutigineqartussaagaluarput.
/ritzau/
