Trump ilimasaarivoq Rusland pillugu nalunaaruteqarniarluni
Trump NBC-mut oqarpoq, isumaqatigiissut Nato-mut isumaqartoq, USA-p sakkussanik Ukrainemut nassiussisinnaanera illersornissamut suleqatigiiffik aqqutigalugu.
Trumpip piffissami kingullermi Russit præsidentiat, Vladimir Putin, pillugu narrujuummisimarpasilluni oqaaseqartarpoq. Danskit nalunaaqutaat malillugu tallimanngornerup unnuaani oqarpoq, ataasinngornermi Rusland pillugu nalunaaruteqarnissani naatsorsuutigineqassasoq.
Asseq toqqorsivimmit: Evan Vucci/Ritzau Scanpix
USA-p præsidentia, Donald Trump, ilimasaarivoq, ataasinngornermi Ruslandimut tunngatillugu nalunaaruteqassagunaannaalluni.
Tusagassiorfimmut NBC News-imit apersorneqarnermini taamak oqarpoq.
- Ilimagivara ataasinngornermi Ruslandimut tunngatillugu annertuumik nalunaaruteqarumaarlunga, taanna oqarpoq.
Taamaattorli Amerikamiut præsidentiat suna pillugu nalunaaruteqarnissani pillugu itisiliinissaminut itigartitsivoq.
- Ruslandip pissusilersornera pakatsissutigivara, kisianni sapaatip akunnerini aggersuni qanoq pisoqassanersoq takussavarput, Trump oqarpoq NBC News-imut.
Aammattaaq taanna tusagassiorfimmut oqarpoq USA-p, Nato-p Ukraine-llu akornanni isumaqatigiissuteqartoqartoq, USA-miit Ukraine-mut sakkunik nassiussinissamik tunngasumik.
- Sakkut Nato-mut nassiuttarpagut, Nato-llu sakkut taakku akilertarpai, 100 procentimik. Taamaattumik, uagut suliaraarput, sakkunik Nato-mut nassiussuineq, taavalu Nato-p sakkunik (Ukraine-mut, red.) tunisisussanngussaaq, Nato-llu sakkussiat tamakkiisumik akilertarpai, Trump oqarpoq.
Præsidentip oqarnera naapertorlugu isumaqatigiissut Nato-p juunimi ataatsimeersuarnerani atsiorneqarpoq.
NBC News allappoq, Trump-ip isumaqatigiissummut tunngatillugu oqaaseqarnersoq, tassalu Nato-mi ilaasortat ilaat USA-mit sanaanik sakkunik Ukraine-mut pisiortorsinnaanerat, USA-p aningaasartuutinik akisussaanani, nalunartoq.
CNN-ip Natomit suli akissutissarsiffiginngilaa Trumpip oqaaseqarnera pillugu saaffiginnissutini.
Ataasinngornermi Trumpip nalunaarutigaa Ukrainemut sakkussianik nassiussisarneq aallarteqqinneqassasoq.
Tamanna pivoq USA-p illersornissaqarfia, Pentagon, siusinnerusukkut ilisimatitsereermat, sakkussiat Ukrainemut neriorsuutigineqarsimasut ilaasa, soorlu timmisartut atorliugit illersuutissat, sakkullu allat, unitsinneqassasut.
Inuit aterminnik taaseqqusinngitsut suliamik ilisimasallit CNN-imut pingasunngornermi oqaatigaat illersornissamut ministerip Pete Hegsethip Illorsuaq Qaqortumut ilisimatitsissutigeqqaarsimanngikkaa nassiussisarnerup unitsinneqarnera akuerisimallugu.
- Tassunga tunngatillugu ilisimasaqanngilanga, Trump NBC-mut oqarpoq, apeqqutigineqarmat sisamanngornerup unnuaani Danmarkimi nalunaaqutaq malillugu.
- Hegseth suliamik kusanartumik ingerlataqarpoq, Trump nangilluni oqarpoq.
Trumpip piffissami kingullermi Ruslandip præsidentia, Vladimir Putin, pillugu pakatsisimaarnerminik ersersitsisarpoq.
USA-mi Naalakkersuisut ataatsimiinneranni marlunngornermi russit præsidentiannut upissussivoq, erseqqissaallunilu Ukrainemi eqqissineq anguniarlugu siuariartortoqanngitsoq naammaginngilluinnarlugu.
- Putinip tungaanit sussaanngitsumik pineqarpugut, Trumpip oqarpoq.
Trumpip aamma uppernarsarpaa Ruslandimut pillaatissanik amerlanerusunik atuutsitsilernissaminik eqqarsaatersuuteqarluni.
