Trumpip Kalaallit Nunaata tinguarnissaanut: Nato USA-mut iliuuseqartariaqarpoq
Donald Trump USA-p Kalaallit Nunaata “tamakkiisumik aqulertinnagu” nunarsuaq isumannaatsunngorunnanngitsoq oqarpoq. Nobelip eqqissinermut nersornaasiuttagaanik tunineqannginnami “eqqissineq kisiat” eqqarsaatigisariaqarnagu misigaluni Norgemi ministeriunermut Jonas Gahr Støremut allappoq.
- Danmarkip nuna taanna Ruslandimut Kinamullu illersorsinnaanngilaa, sooruna aamma taakkua ’piginnittuusariaqarpat’, Donald Trump Norgemi ministeriunermut allappoq.
Assi: Evelyn Hockstein/Reuters/Ritzau Scanpix
USA-p præsidentia Donald Trump Nobelip eqqissinermut nersornaasiuttagaanik nersornaaserneqarsimannginnami ‘eqqissinermik eqqarsaatiginneqqissaartariaqartutut’ pisussaaffeqartutut misigiunnaarsimavoq.
Trumpi Norgep ministseriuneranut Jonas Gahr-mut allappoq. Norgemi ministeriunerup Jonas Gahr Størep tusagassiorfimmut VG-mut uppernarsarpaa.
Trumpip eqqissineq "tamatigut pingaarnerpaagaluartoq“ USA-mut ’ajunngitsoq eqqortorlu’ eqqarsaatigisariaqarlugu naqissuserpaa
- Umiarsuaruna nunniinnartoq
- Danmarkip nuna taanna Ruslandimut Kinamullu illersorsinnaanngilaa, sooruna aamma taakkua ’piginnittuusariaqarpat’.
- Allakkatigut uppernarsaatissaqanngilaq, umiarsuarkiuni ukiut hunnorujullit matuma siorna nunamut tulattoq, uagulli umiarsuavut nunamut aamma tulannikuupput, Trump VG naapertorlugu allappoq.
Aammattaaq USA-p Kalaallit Nunaat “aqulluinnartinnagu” nunarsuaq toqqissismalerunnanngitsoq præsidentip itisilerpaa.
- Nato-p pilersinneqarmalli inunnit allanit tamanit annerusumik Nato-mut iliuuseqarnikuuvunga, maannalu Nato USA-mut iliuuseqartariaqalerpoq, Trump allappoq.
Oqaloriaatsit atorneqarpallaarunnaartinneqassapput
Norgep ministeriunera Finlandillu præsidentia Alexander Stubb ataatsimut nalunaaruteqarnerisa kingorna Trumpi allattoq, Støre tusagassiutinut oqarpoq.
Norgemi tusagassiorfiup NRK-p aamma unarsartissivaa.
- Trumpimut nalunaarutitsinni Norgemut, Finlandimut nunanullu aalajangersimasunut allanut akitsuutinik qaffaanialersaarneranut akerliulluta isummernerput saqqummiupparput, Jonas Gahr Støre NRK-mut oqarpoq, nangillunilu:
- Peqqarniitsumik nipeqarluni oqariartuuteqaqattaarnerup sakkukillineqarnissaa pisaqariaqartoq tikkuarparput, Trumpillu Stubbilu marluulluta ullup ingerlanerani oqarasuaatikkut oqaloqatiginissaa piumasaralugu.
/ritzau/
