Trumpip oqarasuaatikkut oqaloqatiginnereernerata kingorna EU-p Ruslandimut pillaatisiassatut iliuusini annertusivai
Rusland piumasaqaatitaqanngitsumik sakkuaakkunnaarnissamut suli akuersinngilaq, EU-p nunanut allanut tunngasunut pisortaa Kaja Kallas oqarpoq.
Putinip Trumpillu oqarasuaatikkut oqaloqatigiinnerat Ukrainemi sakkuaattoqarunnaarnissaanik kinguneqanngilaq. (Assi toqqorsivimmit).
Foto: Elijah Nouvelage, Alexander Neme/Ritzau Scanpix
Ruslandip sakkulersornermik unitsitsiniarani aalajangerpat tamannalu kinguneqartinneqassanngippat, nunat EU-mi ilaasortat Ruslandimut kinguneqartitsiniarniarlutik tatisinialersaarput.
EU-p nunanut allanut tunngasunut pisortaa Kaja Kallas Bruxellesimi illersornissamut nunanullu allanut tunngasunut ministerit marlunngornermi ataatsimiinnissaat sioqqullugu oqarpoq.
- Ullumi pillaatitut iliuusissat 17-issaat akuersissutigissavavut, sulili allanik suliaqarpugut, Kaja Kallas oqarpoq.
USA-p præsidentiata Donald Trumpip Ruslandip præsidentia Vladimir Putin nalunaaquttap akunnerini marlunni ataasinngornermi oqaloqatigereeraalu taanna taama nalunaaruteqarpoq.
Oqarasuaatikkut oqaloqatigiinneq ulluni 30-ni sakkuaakkunnaarnermik, Europami nunat Ukrainellu kissaatigisimagaluagaattut, kinguneqanngilaq.
USA-p præsidentiata Donald Trumpip Ruslandimut pillaatisiassanut sulinermut maanna peqataanissaa Kaja Kallassip neriuutigaa.
- Rusland Ukrainemut sakkulersorusunnaanngippat, naak Ukraine ullut 60-it sinnerlugit matuma siorna akuersereeraluartut, taava Ruslandimut sakkortuumik tatisisoqassasoq tusareerparput. Timitalerneqarnissaaa takorusupparput, Kaja Kallas oqarpoq.
/ritzau/
