Trumpip tikeraarnissaa politiit oqaaseqarfigerusunngilaat

Donald Trump Jr. timmisartumik “Trump Force One”-mik Nuummi mittarfimmut nalunaaquttap-akunnialui qaangiuppata missaaq.

Donald Trump Jr. maannakkut USA-mi pisortatigoortumik atuuffeqanngilaq, USA-mili tulliulluni præsidentinngortussap Donald Trumpip erneralugulu siunnersortigaa.

Aallartitat namminneerlutik tikeraarnerattut politiinit pineqartut Kalaallit Nunaanni Politiit Sermitsiamut ilisimatitsissutigaat:

- (..) tikeraarnertut allatut pisortatigoortumik tikeraarnerunngilaq, taamaattumillu kikkut Kalaallit Nunaannukarnersut Kalaallit Nunaannilluunniit aallarnersut oqaaseqarfigisinnaanngilarput, politiit allapput.

Immikkulli iliuuseqartoqartariaqarnersoq nalilersorneqartoq Politiit erseqqissaatigaat. Suulli pineqarnersut oqaatiginngilaat:

- Tikeraartut tamaasa, nammineq pisortatigoortumilluunniit tikeraarpata, politiinit iliuuseqarfigineqartariaqarnersut nalilersorneqartarput.

- Taakku oqaatigereerlugit aallartitat Kalaallit Nunaannut tikeraarnerannut atatillugu Politiit allamik oqaasissaqanngillat, Kalaallit Nunaanni Politiit akipput.