Tunumi kitaanilu anorersuarnera politiinit mianersoqqussutigineqarpoq

Tunumi kitaanilu anorersuarnera politiinit mianersoqqussutigineqarpoq

Nuummi eqqaanilu aamma Tasiilami anorersuarpoq. Kapisilinni Tasiilamilu innuttaasut illup iluaniiginnaqqullugit politiit kaammattorpaat.

Ullumi pingasunngornermi anorersuarujussuarnera Kalaallit Nunaanni sumiiffinni arlalinni ajornartorsiortitsivoq.

Maannakkut Nuummi Tasiilamilu kategori 2-mik anorersuarnera paaasissutissiissutigineqarpoq.

Nuummi anorersuarnera pingasunngornermi unnukkut arferngup tungaanut, Tasiilamilu sisamanngornermi unnukkut arfineq-marluk tungaanut atuutissasoq ilimasaarutigineqarpoq. DMI dmi.dk-mi paasissutissiivoq.

Kapisilinni Tasiilamilu inuit pisariaqanngitsumik angalaqqunagit politiit kaammattuutigaat. Kapisilinni 60 m/s-i angullugu anoraasuartarnera nalunaarutigineqarpoq.

Anorersuarnera pissutigalugu Air Greenlandip pingasunngornermi pilersaarutai amerlanersaat taamaatiinnarneqarput.