Tusagassiorfik: Trump malugitinnaveersaarluni Kalaallit Nunaanni aatsitassarsioqataaniarlersaartoq
USA-mi naalakkersuisut aatsitassarsiorfimmik Critical Metalsimik piginneqataalernissartik isumaqatiginninniutigaat. Taamaaliortoqassappalli Naalakkersuisut akuersissummik tunniussineq akuereqqaartariaqarpaat.
USA-mi naalakkersuisut qaammatini kingullerni ingerlatseqatigiiffippassuarnik piginneqataalerniarlutik sulissuteqarput, Berlingske allappoq.
Assi: Evelyn Hockstein/Reuters/Ritzau Scanpix
USA-mi naalakkersuisut Donald Trump siuttoralugu Kalaallit Nunaanni aatsitassat qaqutigoortut pissarsiarerusuppaat.
Taamaattumik USA-mi naalakkersuisut aatsitassarsiorfiup Critical Metalsip piginneqataaffigilernissaa isumaqatiginninniutigaat.
Aviisi Berlingske allappoq.
Critical Minerals aatsitassarsiorfiuvoq amerikamiunit pigineqartoq, taakkulu aatsatassat saffiugassallu qaqutigoortut ukkataralugit suliaqartuupput. Suliffeqarfik taanna Kujataani Killavaat Alannguanni aatsitassanik qaqutigoortunik piiaanissamut ”Tanbreezimit suliniummik” piginneqataalernikuuvoq.
Akuersissulli atuutilertinnagu tunniunneqarnera Naalakkersuisunit akuersissutigineqaqqaartussaavoq.
Berlingske allappoq isumaqatigiinniarnerit nalunaarutigineqarmata „Critical Metalsip aktiaa 62 procentimik qaffariartoq“.
USA-p kisiartaalluni Kalaallit Nunaanni aatsitassarsiornissamik soqutiginninngilaq. EU Kalaallit Nunaanni aamma tamatuminnga suleqataarusuttoq erseqqissumik nalunaarutigineqarnikuuvoq.
