Tusagassiutit: Iranip amerikamiut sakkutooqarfiinik saassussineq aallartippaa

Tusagassiorfiit arlallit naapertorlugit ataasinngormermi, Irakimi Qatarmilu amerikamiut sakkutooqarfii saassunneqarsimapput.

Iranimi nutaarsiassaqartitsivik Tasnim, taamak allappoq.

Taamatuttaaq amerikamiut tusagassiuuteqarfiisa ilaat Axios allaaserinnippoq, Iran Irakimut Qatarmullu qaartartunik igeriussisimasoq.

Saassussineq pivoq, USA-p arfininngornermi timmisartut sorsuutit atorlugit Iranip atomileriffiinik arlalinnik saassussinerata kingorna.

Iranip, Iranip sakkutooqarfiannit nalunaarutigineqartoq naapertorlugu, amerikamiut siuttuuffigisaat sakkutooqarfik Al-Udeid "qaartartunik igeriuttakkanik missilinik aserorterilluinnartumik sakkortuumillu saassussisisimapput", Reuters allappoq.

Taamaattumik Qatari, Doha, illoqarfissuani, qaartitsinerit tusaaneqarput.

X-imi allakkatigut Qatarimi illersornissamut ministeriaqarfik allappoq, Al-Udeidimut qaartartut igeriuttakkat atorlugit saassussineq unitsinneqarsinnaasimasoq, inunnillu toqutaasoqanngitsoq ajoqusertoqarsimanngitsorlu.

Qatarimi nunanut allanut ministeriaqarfimmi oqaaseqartartut ilaat ilisimatitsivoq, saassussineq Qatarip tungaanit assuarineqartoq.

- Taamaaliorneq Qatarip nunatut namminersortuuneranik eqqunngitsuliorfiginninneruvoq oqaaseqartartoq Majed al-Ansari X-mi allappoq nangillunilu:

- Matumuuna uppernarsassavarput, Qatar pisinnaatitaammat toqqaannartumik akissuteqarnissamut, taannalu  pissaaq saassussinerup annertussusaata  sorraassusaatalu assinganik, taanna allappoq.