Tusass Illersornissaqarfillu periusissiamik isumaqatigiissuteqarput
Illersornissaqarfik Tusassilu suleqatigiinnerat juullip nalaani nukittuumik inissisimapput. Suleqatigiinnissamut isumaqatigiissuteqarput, taannalu siunissami suliniutinut tunngaviussaaq.
Foto: Tusass
Tusassip Illersornissaqarfiullu isumaqatigiissut pingaarutilik atsioraat, Tusass tusagassiuutinut nalunaarummi allappoq
Siulersuisuni siulittaasup Ulrik Blidorfip isumaqatigiissut periusissiamut pingaaruteqartutut taavaa oqarlunilu:
-Illersornissaqarfik sivisuumik pitsaasumillu oqaloqatigiinnerup kingorna nuannaarutigaara kiisami isumaqatigiissummik atsiorsinnaasimagatta. Isumaqatigiissut suliniutinut siunissami suleqatigiissutigisatsinnut tunngaviuvoq.
Tusassimiit suliniut siulleq tassaassaaq Illersornissaqarfiup atorsinnaassaa iluaqutissaalu Aasiaani qaammataasamut tigooraavimmik pilersitsinissaq.
- Isumaqatigiissut nunarput tamakkerlugu iluaqutaasussaq pilersinnissaa qilanaaraarput. Taamatuttaaq suliniut Aasiannut annertusaaqataanissaa nuannaarutigaarput, Ulrik Blidorf naggaserpaa.
Tusass pilersaaruteqarpoq suliniut Aasianni 2025-imi aallartinneqassasoq.
