Tuttuniat periarfeerunneqartut nalunaarutigineqarmat ujaasineq aallartinneqartoq
Tuttunniat marluk periarfeerunneqartut ataasinngormat politiinut nalunaarutigineqarmata ujaasineq aallartinneqarpoq, unnukkulli ajoratik angerlarsimasut paasissutissiissutigineqarpoq.
Assiliisoq: Oscar Scott Carl
Inuit marluk ataasinngormat tuttunniareerlutik pilersaarutit malillugit Nanortalimmut uteqqinngillat. Taakkua marluk periarfeerunneqartut politiit nalunaaqutaq 14.46 paasitinneqarput.
Politiini pigaartut pisortaat Aputsiaq Hansen Sermitsiamut paasissutissiivoq.
Imaatigut ujaasineq aallartinneqarpoq, qujanartumilli ataasinngornermi unnukkut unitsinneqarluni.
Angutit marluk ajoratik angerlarsimasut politiit nalunaaqutaq 23.11 nalunaarfigineqarput.
Gasimik naamaarniat biilileriffimmut isertut
Tuttunnianut pisup saniatigut ullormi kingullermi imigassartornermik pissuteqarluni angerlarsimaffimmi eqqissiviilliornerit pisimasut pigaartut pisortaata aamma oqaatigaa.
Aamma arlaleriarluni tillinniartoqartarsimavoq, ilaatigut Nuummi biilileriffimmut.
Tassani tillinniartoqarani gasimik naamaarniartoqarsimasoq politiinit misissuinerisa takutippaat.
