Tuugaalik iluliamut aportoq

Kilisaat Tuugaalik putsersumi aalisarfiit marluk akornanni angalanermini iluliarsuarmut aporsimasoq,  Royal Greenlandip uppernarsarpaa

Merete Lindstrøm, umiarsuarmi attaveqaqatigiinnermut pisortap nassuiaatai naapertorlugit inuttat kilisaallu navianartorsiunngillat.

- Inunnik ajoqusertoqanngilaq, aporeernerata kingorna kilisaammut imermik isaasoqanngilaq aamma uliakoortoqanngilaq, Royal Greenlandimi attaveqatigiinnermi pisortaq, Merete Lindstrøm oqarpoq.

Sillimmasiisarfik aamma Imarsiornermik aqutsisoqarfik pisoq pillugu nalunaarfigineqarput.

- Sillimmasiisarfiit Imarsiornermillu Aqutsisoqarfik ilisimatinneqareerput, nakkutilliisorpullu Imarsiornermik Aqutsisoqarfik oqaloqatigereerpaa isumannaallisaanermut malittarisassat malinneqarnissaat qulakkeerniarlugu.

- Tuugaalik Islandiliarpoq, tassanilu ajoquserneq misissorneqarlunilu iluarsaanneqassaaq. Neriuutigaarput kilisaat inuttallu uteqqingajalissasut, aalisarneq nangeqqinniassammassuk, Merete Lindstrøm naggasiivoq.