KL

DK

Ukioq manna qimussimik sukkaniunnerit kingullersaat 

Arfininngormi seqinnarilluni upernaakkut silagissuup ataani Qeqertarsuarmi qimussertartut peqatigiiffiata Qimusseq 82-ip ukioq manna qimussimik sukkaniutsitsinerisa kingullersaat Kangerlummi ingerlanneqarmat inuppassuit peqataapput. 

Kangerluup eqqaa suli sikkorippoq qimussimillu sukkaniuffiusoq 28 kilometeriuvoq. Qimussimik sukkaniuttut arfineq pingasut aallarmata inuppassuarnit nillerratigineqarput.
Arne Mølgaard Arne Mølgaard Journalist
Saqqummersinneqarpoq

Qeqertarsuarmi qimussertartut peqatigiiffiata Qimusseq 82-ip ukioq manna qimussimik sukkaniutsitsinernik aaqqissuussaasa kingullersaat, Qeqertarsuup avannaatungaani nunaqarfimmi Kangerlummi arfininngornermi ingerlanneqarmat, qimussit arfineq pingasut peqataapput.

Ulloq taanna silagippoq Qeqertarsuarmiillu inuppassuit qamuteralallutik Kangerlumummut isiginnaariarput.

Qeqertarsuarmi qimussertartut peqatigiiffiata Qimusseq 82-ip ukioq manna qimussimik sukkaniutsitsinernik aaqqissuussaasa kingullersaat, Qeqertarsuup avannaatungaani nunaqarfimmi Kangerlummi arfininngornermi ingerlanneqarmat, qimussit arfineq pingasut peqataapput.

Ulloq taanna silagippoq Qeqertarsuarmiillu inuppassuit qamuteralallutik Kangerlumummut isiginnaariarput.

Kangerluup eqqaa suli sikkorippoq aaqqissuussarlu soqutigineqarluartoq iluatsilluartorlu Qimusseq 82-imiit oqaatigineqarpoq. 

Qinmussimik sukkaniuttunut isiginnaariat qinngutinik malunnaasut kikkut siulliunersut nakkutigeqqissaarpaat.
Zakorat Zeeb 1 time 17 minutsit 59 sekundillu atoreerlugit siullersaalluni tikippoq.

Qimussimik sukkaniunnerniit inernerit:

1. Zakorat Zeeb 1 t 17 min. 59 sek.

2. Jona Lukassen 1t 18 min. 50 sek.

3. Salik Broberg 1t 22 min. 8 sek.

4. Steve Broberg 1t 25 min. 15 sek.

5. Thomas Lukassen 1t 26 min. 55 sek.

6. Aqqaluk J. Heilmann 1t 27 min. 9 sek.

7. Anders Broberg 1t 27 min. 30 sek.

8. Aqqalu Jaaku Olrik 1t 44 min. 38 sek.

Aqqalu Jaaku Olrik 1 time 44 minutsit 38 sekundillu atoreerlugit tikippoq.


Kangerluk ukiuni kingullerni inukilliartortoq, taamaattumillu nunaqarfimmi assigiinngitsunik aaqqissuussisoqartarnera pitsaasuusoq,  Jensigne K. Olsen Kangerlummi najugaqartoq oqarpoq.

- Ukiuni kingullerni Kangerlummi inuppassuarnit peqataaffigineqartumik assigiinngitsunik aaqqissuussisoqartarpoq, tamannalu uagutsinnut assut nuannerpoq, taanna oqarpoq.  

Jensigne K. Olsen.

Qeqertarsuarmi qimussimik sukkaniunnerit arlallit ukiumut ingerlanneqartarput, Avannaata Qimussersuatalu ingerlanneqarnissaanut anngunniunnerit sukkanniunerit pingaarnerpaartarisarpaat. Ukiorlu manna sukkaniunnerit kingullersaat Kangerlummi ingerlanneqassasoq aaliangiunneqarsimasoq, Qeqertarsuarmi qimussertartut peqatigiiffiani Qimusseq 82-imi siulittaasoq, Hansigne S. Broberg oqarpoq.

Hansigne S. Broberg

- Qimussimik sukkaniutsitsisarnerit inuppassuarnit soqutigineqarlutillu ornigarneqartarput. Ukiorlu manna Kangerluup eqqaa sikkorimmat maani sukkaniunnerit kingullersaata maani ingerlanneqarnissaa aaliangiussimavarput, taanna oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit qimussimik sukkaniunneq

Atorfiit tamaasa takukkit

Powered by Labrador CMS