Ullormut nalunaarusiaq: Illoqarfinni marlunni tillinniarnerit misissuiffigineqartut
Illoqarfinni assigiinngitsuni marlunni pingasunngornerup unnuaani tillinniartoqartoq Kalaallit Nunaanni Politiit nalunaarfigineqarput, politiillu suliat taakku maanna misissuiffigaat.
Tillinniarnerit marluk politiinit misissuiffigineqarput.
Assi: Oscar Scott Carl
Ullup ataatsip ingerlanerani tillinniarnerit marluk politiinut nalunaarutigineqartut, Kalaallit Nunaanni Politiit misissuiffigaat.
Nuummi pisiniarfik Qiviut tillinniarfigineqarsimasoq pingasunngornerup unnuaani nalunaaqutaq pingasut qaangilaaraa politiit nalunaarfigineqarput. Pisiniarfimmi nioqqutissat arlallit tillinneqarsimasut, Kalaallit Nunaanni Politiini pigaartut pisortaat Heine Jacobsen oqarpoq.
Pingasunngornerup unnuaani nalunaaqutaq sisamat missaanni sumiiffimmi allami tillinniartoqarsimasoq politiinut aamma nalunaarutigineqarpoq. Tamatumuuna Tasiilami kantiinami.
- Pisut misissuiffigaavut. Tillinniarnerit nalunaarutigineqartut eqqaassanngikkaanni unnuaq ulapaarfiorujunngilaq, Heine Jacobsen oqarpoq.
