Umiarsualivimmi annikitsumik uuliakoorneq
Kalaallit Nunaanni Politiit ataasinngornermi ualikkut nalunaarfigineqarput Nuummi umiarsualivimmi uuliakoortoqartoq. Uuliakoornermik saliineq naammassereerpoq.
Kalaallit Nunaanni Politiit
Ataasinngornermi ualikkut Nuummi umiarsualivimmi uuliakoortoqarsimavoq.
Kalaallit Nunaanni Politiit ataasinngornermi nalunaaqutaq 13.40 uuliakoortoqarneranik nalunaarfigineqarput.
- Umiarsuarmik orsersuivallaarsimanermit uuliakoortoqarsimanissaa ilimagineqarpoq. Umiarsuaq sorleq pineqarnersoq suli ilisimanngilarput, misissuivugulli, Kalaallit Nunaanni Politiini pigaartut pisortaat Jeppe Andsager oqarpoq.
Imaani uuliakoorneq qatserisartut piiarpaat.
- Takusinnaasavut naapertorlugit uuliakoortoqartuanngilaq, misissuivugulli, pigaartut pisortaat oqarpoq.
