Takornariat
sukkaqisumik amerliartortut peqqinnissaqarfik tativaat nunatsinnilu
napparsimasut inissaraluinik ingiarlugit?
Allaaserisaq tamaat atuarniarlugu pisartagaqalerit. Apeqqut
taanna inituneruleriartorpoq ingammik umiarsuarmik takornariat
amerlipiloorneranni. Allaaserisaq tamaat atuarniarlugu pisartagaqalerit.
Takornariat
sukkaqisumik amerliartortut peqqinnissaqarfik tativaat nunatsinnilu
napparsimasut inissaraluinik ingiarlugit?
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat
atuarneqarsinnaapput.
Atuarluarna.
Allaaserisaq tamaat atuarniarlugu pisartagaqalerit. Apeqqut
taanna inituneruleriartorpoq ingammik umiarsuarmik takornariat
amerlipiloorneranni. Allaaserisaq tamaat atuarniarlugu pisartagaqalerit.
Siorna Kalaallit Nunaannut umiarsuarmik takornariat
aatsaat taama amerlatigaat.
Umiarsuarujussuarni
ilaasut allattorsimaffia ataatsimik ilisarnaateqarajuttarpoq. Inuupput
ukioqqortusilersimasut imaluunniit utoqqarsuullutik. Taamaalilluni nakorsamit
ikiorneqartariaqalernerat ilimanarnerulluni.
Allakkiami
ungasinngitsukkut nunatta nakorsaaneqarfiata saqqummersitaani ilungersunartoq
qulaajarneqarpoq. Naalakkersuinermillu sulialinnut isummersortartunullu
aningaasartuutaanissaanik annertuumik ernumassuteqartartunut
ernumassutissaqanngilaq. Inerniliinermi naqissuserneqarpoq:
- Umiarsuarmik
takornarianit peqqinnissaqarfik annikitsumik tatineqarpoq napparsimasulli
nukippassuarnik atuiffiusariaqarput. Tatineqarneq piffissami sivikitsumi
pisarpoq (juulimiit septembarimut) maannakkullu annertussusaa eqqarsaatigalugu
peqqinnissaqarfimmi inissaqartinneqarluni.
Nalunaarusiaq
naapertorlugu umiarsuarmi toqusut marluupput. Erseqqissarneqanngilaq
takornariaanersut inuttaanersulluunniit.
Ukioqqortuut tatineqartartut
Nalunaarusiap
takutippaa siorna umiarsuarmik takornariat 54-iinnaat peqqinnissaqarfimmut
attaveqartut. Taamaallaallu amerlagisassaanngitsut unitsinneqarlutik,
peqqutaalluni peqqissutsimut ajornartorsiuterpassuit umiarsuarmi
isumagineqartarnerat, umiarsuarmi nakorsaqarnikkut upalungaarsimasoqarmat.
Siorna aasaanerani ima pisoqarpoq:
- Umiarsuarmit
takornariartaammit napparsimasut 20 inuttallu pingasut unitsinneqarput.
Agguaqatigiissillugu ulluni 7,7-ni uninngapput. Ukiui agguaqatigiissillugu
73,6-iupput, affaalu 80-init amerlanerusunik ukioqarlutik, nunatta
nakorsaanerani allakkiami allassimavoq.
Allassimavortaaq
unitsitsinerusut umiarsuarmi isumagineqarsinnaanngimmata imaassimassaaq
»peruluttuusut pisulli ilaanni pilanneqartariaqarlutik imaluunniit CT
scannertillutik«.
- Nukinnik
atuineq agguaqatigiissillugu napparsimasumit nalinginnaasumit
qaffasinnerussasoq ilimagineqartariaqarpoq, nunatta nakorsaanera allappoq.
Umiarsuarmik
takornariartaatit amerlanersaat kujataani tulattarput, ilaasulli affai
sinnilaarlugit Dronning Ingridip Peqqissaavianut unitsinneqarput. Tamatumani
peqqutaavoq umiarsuaatileqatigiit ilisimatinneqarsimanerat katsorsartinnissamut
periarfissat pitsaanerpaat Nuummiittut.
- Unitsitsinerit
20 saniatigut qimagutsitsinerit tallimaapput, pisuni sisamani Issittumi
Sakkutooqarfik aqutsisoralugu ingerlanneqartut. Sinneri napparsimasut 15
umiarsuarmit toqqaannartumik unitsinneqarput, umiarsuup tulaqqanerani
imaluunniit talittarfiup avataani kisarsimanerani, nunatta nakorsaanera
allappoq.
3,4 million
Nakorsaaneqarfiup
aamma peqqinnissaqarfik suleqatigalugu paasiniarsimavaa aningaasartuutit
qassiunersut, takornariamik katsorsaanermut tunngasut, tassalu taamaallaat
umiarsuarmik takornariartuunngitsut aamma nunami takornariat.
- Innuttaasut
danskisut CPR-normoqanngitsut takornariaqarnermut atatillugu unitsinneqartut
katillugit ulluni 194-ini uninngapput.
Sullissinermut
akit aalajangersakkat atoraanni aningaasartuutit
akiligassiissutigineqarsinnaasut 3,4 millioniupput, immikkut ittumik
annertusisamik katsorsaanissat ilanngunnagit, taakkununnga aningaasartuutit
naatsorsorneqanngimmata. Katsorsartittariaqalernermut akiliinissamik nunanik
assigiinngitsumik isumaqatigiissuteqarnikkut taamaallaat 1,3 million koruunit
missaat akileqquneqarsinnaapput, allakkiami allassimavoq.
