Umiatsiaq inuttaqanngitsoq imaani nassaarineqartoq: Politiit paasiniaapput inummik maqaasisaqartoqarnersoq
Umiatsiaq inuttaqanngitsoq Ilulissat ungasinngisaani nassaarineqarpoq. Umiatsisaq tallimanngornerup arfininngornerullu akornanni tillinneqarsimavoq,Ilulissalli umiarsualiviata ungasinngisaani kingorna nassaarineqarsimalluni. Umiatsiamik aquttuusimasinnaasoq maqaasineqarnersoq politiit maanna paasiniarpaat.
Ilulissat umiarsualiviani nassaarineqarpoq angallat inuttalik. Ilulissat politiivi inunnik ujaasipput, kinaassusersisinnaasunik.
Assiliisoq: Kalaallit Nunaanni Politiit
Ilulissani politiit maannakkut misissuipput, annaassiniarnermik pisariaqartitsisoqarsinnaanera pillugu.
- Unnuap ingerlanerani umiatsiaq Poca 600 250 HK-mik Yamaha-mik motoorilik tillinneqarsimavoq. Umiatsiaq Ilulissat umiarsualiviata avataani kilometerip ataatsip missaani ungasitsigisumi nal. 10.07 nassaarineqarpoq, politiit Facebookimi allapput.
Maqaasisaqartoqarpa?
Politiit inummik tammaasaqarsinnasunik ujaasipput, ilisimaneqanngimmat Poca 600-mik aallartoq nunamut qaqisimanersoq imaluunniit Ilulissat eqqaani ajutoorsimanersoq:
- Umiatsiaq uninngasoq nassaarineqarpoq, benziinamillu 125 literit missaat atuisimasoq naatsorsorneqarsinnaasimalluni. Umiatsiaq inoqanngilaq. Inummik maqaasisaqaruit, imaluunniit pisumut tunngasunik ilisimasaqaruit, saaffigisinnaavatsigut, politiit allapput.
Kalaallit Nunaanni Politiit oqarasuaat 70 14 48-mut attaveqarfigineqarsinnaapput.
