Unnerluussisoq: Trump aallaaneqartoq - pinerliisoq toquvoq
Trump Pennsylvaniami qineqqusaarnerani pisimasoq toqutseriaraluarnertut misissuiffigineqartoq, AP allappoq.
Donald Trump eqqartoqarnerani eqqorneqarpoq, inuttaali ajunngitsoq nutaarsiassaqartitsiviit allaaseraat.
Foto: Brendan Mcdermid/Reuters/Ritzau Scanpix
Amerikap præsidenterisimasaa Donald Trump Pennsylvaniami arfininngornermi qineqqusaartsilluni aallaammik igittoqarnerani eqqorneqatallappoq.
Illoqarfimmi Butlerimi qineqqusaartoqarnerani tamanna pisoq unnerluussisussaatiaasut paasissutissiipput. The Washington Postimi tusagassiortoq inuit attaveqaqaqatigiittarfiani X-imi allaaserineqartoq, nutaarsiassaqartitsivik Reuters allaaserinnippoq.
Qineqqusaartoqarnerani isiginnaartoq pinerliisorlu toqusut paasissutissiissuutigineqarpoq. Toquneranni pissutsit annerusumik paasineqanngillat.
Pisoq toqutseriarnertut misissorneqartoq, inuit politiini kinaassutsiminnik isertuussisut paasissutissiisut, nutaarsiassaqartitsivik AP allaaserinnippoq.
Tusarfiit paasissutissiissutigaat pinerliisimassangatinneqartoq qineqqusaartitsisuni peqataanngitsoq, Secret Servicemiillu toqutaasimasoq.
Qanoq amerlatigisunik eqqartoqarsimanersoq paasissutissiissutigineqanngilaq.
Inuk pingajuusoq inuunerminik ulorianartorsiortoq, unnerluussisussaatitaasut oqaatigaat.
Toqusut kinaassusaat, suiaassusaat qassinillu ukioqarnersut ilisimaneqanngillat.
Assini videonilu takuneqarsinnaavoq aallaasersortoqarnerata kingunerisaanik Trump siutimigut aanaartoq.
Præsidentiusimasoq Butlerimi napparsimavimmi passunneqarpoq.
Præsidentiusimasumut oqaaseqartartoq CNN naapertorlugu oqaatigaat Trump ajunngitsoq.
- Trumpip pisumi amiilaarnartumi politiit ikiueqqaartullu pigasuartumik iliuuseqarnerat qujaffigai. Inuttaa ajunngilaq, illoqarfimmilu napparsimavimmi passunneqarluni. Paasissutissat allat saqqummiunneqarumaarput.
/ritzau/
