KL

DK

Unnuarissat Sisimiuni pilersinneqartut

Sisimiuni innuttaasut toqqissisimanissaat anguniarlugu Unnuarissat pilersinneqarput. Ilaasortanilli suli pissarsiortut, Qeqqata Kommunia nittartakkamini allappoq.

Tôrtia Reimer-Johansen
Journalist
Offentliggjort

Inuit sungaartunik kavaajalisartut Sisimiuni unnukkut toqqissisimatitsiniarlutik pisuttuartut takussaasut, Qeqqata Kommunia nittartakkamini paasissutissiivoq.

Sisimiuni Grønlandsbankenimi sulisut nammineq kajumissutsiminnik sulillutik unnuarissanik aallartitsipput, taakkualu kajumissutsimik suleqataat Mina Møldrup Sakariassen peqatigalugu.

Peqataasinnaasunilli amigaateqarput:

- Aallarnisaanissami inuit 12-it missaat amigaatigaagut aktivenik taaneqartartut tassaapput pisoqataasartut, passivinillu taasakkagut tassaallutik tapersersuisut pisoqataanerlu ajortut. Unnuariaaneq ajornaattuaraavoq, illit nammineq aalajangersinnaavat qaqugukkut pisoqataasinnaanerlutit, piumasaqaataavorli meeqqanut pinerlissimannginnermut uppernarsaat, Mina Møldrup Sakariassen oqarpoq.

Meeqqat unnuami pigaartut

Qeqqata Kommuniani meeqqat peqqissusaannik misissuinermi inernerit ilaat meeqqat suli unnukkut pigaarpallaartarnerinik takussutissiipput, taamaattumillu Qeqqata Kommuniata kaammattuutigaa meeqqat sinilluarsimallutik atuariartortarnissaat.

- Isumaqarpunga unnuarissat illoqarfimmi ersialaartarnissaat meerartatta unnukkut nuannaarlutik toqqissillutillu aneertarnissaannut pingaarutilerujussuusut. Taamaattumik neriuppunga suliffeqarfiit allat imaluunniit innuttaasut ikinngutitik ilagalugit aamma peqataalerumaartut. Taamaasiornikkummi imaassinnaasoq meeqqat atuartussaatillutik angerlajaarnerusalernissaat aamma anguneqarsinnaasoq, borgmesteri Malik Berthelsen oqarpoq.

Unnuariaaniaraanni meeqqanut pinerlissimannginnermut uppernarsaat piumasaqaataavoq.

inuiaqatigiit samfund

ATORFIIT Se alle jobs

Powered by Labrador CMS