- Soorunami siunissaq siulittuutigiuminaappoq, Trumpili qularnerminik aallussiinnassappat, Rusland peqataalerpat Issittumi Siunnersuisoqatigiit aqqutigalugit nunat tamarmik suleqatigiinnerat ajornakusoornerulersinnaavoq. Maanna ajornakusooreerpoq, ajornannginnerulernavianngilarli.
Jeppe Strandsbjerg, lektori ilisimatusartorlu, Illersornissamut Ilinniarfiup Issittumi Sillimaniarnermut Ilisimatusarfiani aamma Ilisimatusarfimmi Nasiffimmi – Nunanut allanut sillimaniarnermullu politikkimik ilisimatusarfimmi – atorfeqartoq oqarpoq.
- Soorunami siunissaq siulittuutigiuminaappoq, Trumpili qularnerminik aallussiinnassappat, Rusland peqataalerpat Issittumi Siunnersuisoqatigiit aqqutigalugit nunat tamarmik suleqatigiinnerat ajornakusoornerulersinnaavoq. Maanna ajornakusooreerpoq, ajornannginnerulernavianngilarli.
Jeppe Strandsbjerg, lektori ilisimatusartorlu, Illersornissamut Ilinniarfiup Issittumi Sillimaniarnermut Ilisimatusarfiani aamma Ilisimatusarfimmi Nasiffimmi – Nunanut allanut sillimaniarnermullu politikkimik ilisimatusarfimmi – atorfeqartoq oqarpoq.
USA-mi præsidentitut qinigaaqqittoq Donald Trump assigiinngitsorpassuartigut ilisimaneqarpoq. Amerikamiut tusagassiorfiini siumut oqaatigineqarsinnaannginnera oqaatigineqaqattaartarpoq, soorlu aamma naalakkersuinikkut ajornartorsiutit imaannaanngitsut nunat tamat akornanni pisussaaffilersukkatigut suleqatigiinnerit aaqqikkuminaatsikkai. Minnerunngitsumik maanna Ruslandip Ukrainellu aamma Israelip Palæstinallu akornanni sorsunnerup silarsuarmi eqqissinermik akornusiisumik pilersitsinerisa nalaani.
Rusland Ukrainemik 2022-mi saassussillunilu sorsunnermik aallartitsimmat Issittumi Siunnersuisoqatigiinni, Danmarkip naalagaaffeqatiginerani Kalaallit Nunaata Savalimmiullu ilaasortaaffigisaanni, ataatsimiinnerit unitsikkallarneqartut pillugit AG allaaserisaqartarpoq. 2022-mili juunimi suleqatigiinneq russit peqataatinnagit aallarteqqinneqarpoq.
Sila tatigaa
Suliniutit issittumi avatangiisinut, pinngortitamut silallu pissusaanut tunngasut Issittumi Siunnersuisoqatigiit aallarteqqinneqarnikuupput. Silap pissusaa tassaavoq Trumpip atuunnerani angiluttortussaq.
- Trumpip siuliani præsidentiunermi nalaani USA Parisimi isumaqatigiissummit peqataajunnaarsippaa. Silap pissusaa avatangiisinullu politikkip issittumi suleqatigiissutitut qanoq pingaaruteqartigineri eqqarsaatigalugit aamma tamakku unamminartunngoriaannaapput, Jeppe Strandsbjerg oqarpoq.
Jeppe Strandsbjerg, Ilisimatusarfimmi lektori ilisimatusartorlu.
Assiliisoq: Ilisimatusarfik
Aappaagu maajip aallaqqaataaniit naalagaaffeqatigiit Danmarkimit siulersorneqartut Issittumi Siunnersuisoqatigiinni siulittaasuuffik maanna Norgep ingerlataa tigussavaat, Kalaallillu Nunaat aqutsisunngortussatut danskit naalakkersuisunit Savalimmiunillu toqqarneqarnikuuvoq.
Jeppe Strandsbjerg isumaqarpoq Trump taassumalu silap pissusaa pillugu suliniutinut ajattuinera Kalaallit Nunaannut toqqaannartumik kingunerlunnavianngitsoq.
- Takorloorpara Kalaallit Nunaannik eqqaanillu alapernaarsuinermi danskit aningaasaliinissaat Trumpip erinisuutiginerujumaaraa. Taamaattumik ilimanarneruvoq Trumpip allaffissornikkut aqutsisoqarfianit kunngeqarfik kimigiisiffigineqarumaartoq illersornissaq eqqarsaatigalugu alapernaarsuinermut aningaasaliissuteqaqqullugit, Jeppe Strandsbjerg naggasiivoq.
Aalajaatsut siulliullugit
Donald Trump suleqataalu 20. januar 2025-imi ukiunilu tulliuttuni sisamani naalakkersuisunngortitsinissamut atatillugu ministerissanik atorfilinnillu nuimanernik piukkussaminnik katersileruttorput.
Piukkussat toqqartarpai aalajangiisuutillugu kina aalajaalluinnarluni imminut kiffartuussisuusimanersoq. Assersuutigalugu illersornissamut ministerinngortitassamisut siunnersuutigaa Pete Hegseth, assut iluarineqaqqitsumik, isornartorsiuinermi oqaatigineqarluni qaffasissumik aqutsisussatut misilittakkatigut inuuttoq, sillimaniarnermut politikkip iluani. Nunanulli allanut ministerissamisut siunnersuutigisaa Marco Rubio iluarisimaarneqaqaaq.
Taakku saniatigut Trumpip nalunaarutigaa naalagaaffimmi sillimaniarnermut siunnersortaanertut atorfinitsilersaarini Mike Waltz, sakkutooqarnermi ukiuni 27-ni sulisimasoq aammalu 2018-imiilli Florida sinnerlugu Inatsisartuni ilaasortaasimasoq.
