Amerikamiut Kalaallit Nunaannut tikeraarnissaannut sakkutuut piareersariartortut sapaatiummat tikiupput.
USA-mit aallartitat Kalaallit Nunaanniinneranni angallassisussat timmisartunut Herculesinut marlunnut, inunnik ilaasoqarnerup saniatigut aamma biilinik sisamanik usisut, ilaallutik tikipput.
Amerikamiut Kalaallit Nunaannut tikeraarnissaannut sakkutuut piareersariartortut sapaatiummat tikiupput.
USA-mit aallartitat Kalaallit Nunaanniinneranni angallassisussat timmisartunut Herculesinut marlunnut, inunnik ilaasoqarnerup saniatigut aamma biilinik sisamanik usisut, ilaallutik tikipput.
Timmisartoqarfimmiit Nuup qeqqanut illorsuarmut nutaamut Imanermiittumut toqqaannaq inissikkiartorput. Illorsuaq Ole's Varehusip toqqavigisimasaa maanna Aurora Hotellejlighedip inissisimaffia.
Sermitsiap paasisai naapertorlugit USA-p illorsuup allerpaartaa 3.000 kvadratmeterisut angitigisoq, qajannaatsunik igalaalersukkap assiaqusersukkallu, piginngikkuniuk attartorpaa.
Illorsuup quleriiaavi Aurora Hotellejlighediupput allerpaarli sivisuumik inoqarani. Amerikamiut timmisartunik Herculesinik marlunnik sapaatiummat tikittut tassani maanna najugaqarput. Taakku Amerikamiut aallartitaat sisamanngornermiit arfininngornermut tikeraarnissaat sioqqullugu tikipput.
Assi: Leiff Josefsen
Københavnimi Amerikamiut aallartitaqarfiat imaluunniit Nuummi konsulateqarfik Sermitsiap arlaleriarluni attaveqarfiginiartarsimavaa uppernarsarniarlugu illorsuup naqqa pisiarineqarsimanersoq imaluunniit attartorneqarnersoq. Maannali qulliit ikumagaluartut iluanilu aalaaluttoqaraluartoq Amerikarmiut aallartitaqarfianni tamanna uppernarsarneqarumanngilaq:
- Maannakkut paasissutissiisinnaanngilanga. USA-p Nuummi konsulaterput 2020-mi ammaqqinniarlugu aalajangermalli, sumiiffik eqqortoq nassaariniarlugu sulisimavugut. Siunissami qaninnermi tamanna pillugu annertunerusumik paasissutissiinissaq qilanaaraarput, Nuummiittoq oqaaseqartartoq oqarpoq.
Isumannaallisaanermut malittarisassat sukannersut
Danmarkimi nunanut allanut tunngasunut misissuisoqarfimmi ilisimatusartuuneq Ulrik Pram Gad, DIIS-imi, naapertorlugu USA-p Nuummi USA-p konsulaatiminut aallartitaqarfiinullu isumannaallisaanermut najoqqutassiaanik naammassinnittumik illumik ujaasinerat sivisusimavoq:
– USA-p aallaqqaataaniilli illunik naleqquttunik akissaqarfigineqartumik isumannaallisaanermullu malittarisassanik qaffasissunik naammassinnissinnaasumik nassaarniarnini ajornakusoortissimavaa. USA-p akerliussutsimik takutitsinerit, innuttaasut akerlilersuinerat aamma elektronikkit atorlugit tusarnaartoqarsinnaanera ernummatigai. Taamaattumik nunami allamiissagunik – Kalaallit Nunaanniinnaanngitsoq – inissisimaffissaat aalajangersimasumik isikkoqartariaqarpoq. Allatut oqaatigalugu isumannaatsuusariaqarluni, aamma limousininut aallaaneqarsinnaanngitsunut inissaqartumik.
Ulrik Pram Gad naapertorlugu præsidentit, præsidentillu tullersortaat naalakkersuisullu allat sumiikkaluartulluunniit namminneq biilitik atorlugit angalasarput.
- Taamaattumik Usha Vancep allallu angallanneqarnerannut atugassat biilit illersuutillit sisamat Nuummut assartuummassuk tupinnanngilaq, Ulrik Pram Gad oqarpoq.
