USA-p Kalaallit Nunaanni sakkutooqarnermut oqartussaaneq nunami namminermi oqartussaaffimmut inissinnissaa isumaliutigaa
Illersornissamut ministerip Troels Lund Poulsenip amerikamiut Kalaallit Nunaannut akisussaaffiup nuunnissaanut Amerikamiut isumaliutaat ilisimavai.
Saamillermit: Nunanut allanut ministeri nunamilu isumannaallisaanermut siunnersortaagallartoq Marco Bubio, præsident Donald Trump kiisalu illersornissamut ministeri Pete Hegseth.
Assi: Ken Cedeno - Pool Via Cnp/CNP/Ritzau Scanpix
USA illersornissamini akisussaaffiup agguarsimaneranik
nussuinissamik pilersaaruteqarpoq, taamaalilluni Kalaalit Nunaat siunissami
allami inissisimaffeqalissalluni.
Ullumikkut Amerikamiut Europami oqartussaqarfiat USA-p
Kalaallit Nunaanni sakkutooqarneranut akisussaavoq.
CNN naapertorlugu siunissami Kalaallit Nunaat
Northcom-kommandomik taaneqartumi, Amerikap avannaata illersorneqarneranut
sakkutooqarnikkut ikorfartuisup ataaniilersinnaavoq.
Qallunaat kalaallillu Naalakkersuisuisa Amerikamiut
pilersaarutaat ilisimagaat, illersornissamut ministeri Troels Lund Poulsen (V) TV2-mut
oqarpoq.
- Qallunaat naalakkersuisuisa Naalakkersuisullu
Amerikamiut isumaliutaat nalunngilaat. USA-p qanoq nammineq sakkutooqarnerminik
aaqqissuinerminik agguataarinninnera soorunami Amerikamiut oqartussaaffigigaat,
allakkatigut akissummi allassimavoq.
Præsident Trumpip suli akuttunngitsumillu Kalaallit
Nunaannik apeqqummik qaqitsiuarneranut Amerikamiut isumaliutaat
ataqatigiiffeqarput.
Trumpip arlaleriarluni Issittumi immikkoortumi
Amerikallu nunataani isumannaallisaanermik qularnaarinninniarluni Amerikamiut
Kalaallit Nunaat pisariaqartikkaat oqaatigisarpaa.
USA Kalaallit Nunaannik fri associeringimik
taaneqartumik, Amerikamiut Manerassuarmi qeqertaaqqanik arlalinnik
isumaqatigiissutaata assinganik neqeroornissamik pilersaaruteqartoq, Reurtersip
tallimanngormat allaaseraa.
Taamaaliornikkut USA-mit aningaasanik taperneqarnissaq
illersorneqarnissarlu periarfissaalissaaq.
Akerlianik Amerikamiut Kalaallit Nunaanni
sillimaniarnikkut politikimi oqartussaalissapput.
Danmarki USA-lu 1951-mi illersornissamik
isumaqatigiissummik, Amerikamiut Kalaallit Nunaanni sakkutooqarfiliornissamut
nunalu illersorniarlugu sakkutooqarnermi atortunik eqqussisinnaanerannik
isumaqatigiissuteqarput.
