KL

DK

ILISIMASALIK

USA-p Kalaallit Nunaat aqoreerpaa

– USA Kalaallit Nunaanni pisariaqartitaminik peereerpoq, taamaattumillu taama soqutiginnitsiginani, Forsvarsakademimi ilisimatusartoq Peter Viggo Jakobsen naliliivoq

Forsvarsakademimi ilisimatusartoq Peter Viggo Jakobsen naapertorlugu USA-p Kalaallit Nunaat tamakkiisumik aqoreerpaa, taamaammallu allat pissaanillit Kalaallit Nunaanni iliuuseqarsinnaanatik. USA-llu Kalaallit Nunaata tamakkiisumik pigilernissaa soqutiginngilluinnarpaa, oqarpoq.
Trine Juncher Jørgensen
TUSAGASSIORTOQ / JOURNALIST
Saqqummersinneqarpoq

USA-mi præsidentinngortussaq Donald Trump inuit attaveqaqatigiittarfianni Truth Social-imi ima allappoq: "Nunap isumannaatsuunissaa nunarsuarmilu eqqissineq eqqarsaatigalugit Kalaallit Nunaata piginissaa aqunnissaalu pingaaruteqarluinnarput.“ Tamanna qanoq paasisariaqarpa?

Aqutsineq piginnittuuneq

Forsvarsakademimi ilisimatusartoq Peter Viggo Jakobsen naapertorlugu USA-p Kalaallit Nunaat tamakkiisumik aqoreerpaa, taamaammat allat pissaanillit Kalaallit Nunaanni iliuuseqarsinnaanatik.

USA-llu Kalaallit Nunaata tamakkiisumik pigilernissaa soqutiginngilluinnartaa Peter Viggo Jekobsen naliliivoq.

– Oqallinnermut piviusumut tunngatillugu USA-p tungaanit aamma imminut ima aperisoqartariaqarpoq: "Kalaallit Nunaanni aqutsivugut?“ Aap, USA aqutsereerpoq. Sakkutuut nunanit tamalaaneersut Kalaallit Nunaanni ullumikkut iliuuseqarsinnaanngillat. Taamaattumik apeqqutaavoq USA Danmarkip naalagaaffeqatigiinnerup iluani pisussaaffigisaanik aamma tigusinissamut piumassuseqarnersoq?

- Taamaammat soqutiginnginnerat paasiuminaatsilaarpara. Ullumikkut USA-mut akeqanngilaq, tassa Danmarkip ataatsimut tapiissutini annerpaartaat akilertarmagu. Trumpip Naalagaaffeqatigiinni qanoq pisoqartarnera ilisimasaqarfigineraa ilimaginngilara. Aamma kingullermik taamaanngilaq. Trumpili nunap isumannaatsuuneranut tunngatillugu Pituffimmik nakkutilliinissaq pingaaruteqarnersoq aperigaanni soorunami anngaassaaq.

Oqariartuutit tupaallannartut

Peter Viggo Jakobsen naapertorlugu Kalaallit Nunaat Trumpip Kangianut Qiterlermut, Ukrainemut, Kinamut il.il. sanilliullugu taama pingaartitsiginngilaa.

– Trumpip qineqqusaarnermini Kalaallit Nunaat ataasiaannarluni eqqaanngilaa. Amerikamimi isumannaallisaanermut tunngatillugu ajornartorsiuteqanngitsoq sooq aamma Kalaallit Nunaat eqqaassagamiuk? Taamaattumik paasiuminaatsippara sooq maannakkut eqqaaneqarnersoq, tupaallannarsinnaasunik amerlasuunik oqariartuuteqartarpoq. Oqaasiinnaasinnaasarput allatulli iliortoqarluni.

- Kalaallit isaannit isigalugu oqariartuut soqutiginarpoq, piviusunngornissaali takorlooruminaappoq, soorluttaaq kingullermik Kalaallit Nunaat pisiarinianngikkaa, Peter Viggo Jakobsen oqarpoq.

national sikkerhed inuiaqatigiit donald trump peter viggo jakobsen samfund usa

ATORFIIT Se alle jobs

Powered by Labrador CMS