KL

DK

Uuliakoornerup annertussusaa suli ilisimaneqanngitsoq

Upernaviup nunaqarfiani Nuussuarmiittumi tankip uuliaasiviup aqqutaa sapaatit akunnerata siuliani sisamanngornermi uuliakoorpoq. Uulia sumiiffimmi katersorniarneqaleruttorpoq qanorli annertutiginera suli ilisimaneqanngitsoq Nukissiorfiit nalunaarput.

Olieudslip.
KASSAALUK KRISTENSEN
KASSAALUK KRISTENSEN Digitalredaktør
Saqqummersinneqarpoq

Suliffeqarfiup sanaartugassanik suliassinneqartartup Upernaviup nunaqarfiani Nuussuarmi suliaqartilluni, Nukissiorfiit elværkiata tankillu uuliaasiviup akornanniittoq ruujori sisamanngornermi juulip 17-iani ajoqusertoorpaa.

Ajutoortoqarnerani uuliakoortoqarpoq tamannalu imaanut kuulluni. Uulia kuuttoq unitsinneqarpoq, qanorli annertutigisoq imaanut siaruaassimanersoq ilimaneqanngitsoq Nukissiorfiit paasissutissiipput.

- Suliffeqarfiup sanaartugassanik suliassinneqartartup uulia kuunnikoq katersuleruttorpaa taamaalilluni ajoqusiineq minnerpaaffissaaniitinniarneqarluni. Upernavimmiit upalungaarsimatitat nunaqarfimmut tikissimapput tassanilu uulia aniasimasoq sapusersorlugulu puttasunik assiaqusersuillutik katersuleruttorpaat. Nukissiorfimmiit suliffeqarfik sanaartugassanik suliakkerneqarsimasoq sioqqanik uuliamik mingutsinneqarsimasunik piiaaneranni ikiorpaat taamaalilluni uulia imaanut kuunnginniassammat, paasissutissiissutigineqarpoq.

Pisoq Nuussuarmi pilersuinermut kalluaanngilaq  nalinginnaasumi ingerlatsisoqarluni. Nukissiorfiit uuliaaviat immeqqinneqarsimapput.

uuliakoorneq nukissiorfiit inuiaqatigiit nuussuaq

Atorfiit tamaasa takukkit

– Se alle jobs

Powered by Labrador CMS