Naatsorsueqqissaartarfik
2017-imi Nunatsinni akunnittarfinni unnuisut amerlanerulersimapput
Nunatsinni akunnittarfiit 2017-imi 4. kvartalimi unnuisut 8,9 procentimik qaffariaateqarsimanerat malugaat. Nunatsinneersut pingaarnertut unnuisuusimapput
Pingaarnertut 2017-imi 4. kvartalimi Kalaallit Nunaanneersut akunnittarfinni unnuisimapput.
Naatsorsueqqissaartarfiup kisitsisaataasa nutaat takutippaa, 2017-imilu akunnittarfinni unnuisimasut 14 procentimik qaffariaateqarsimasut aamma takutinneqarpoq, taakkunannga nunanit allaneersut 46.358-it unnuisimapput nunatsinneersulli 63.393-it unnuisimallutik.
Nalunaarsuutit nutaat kisitsisinut sunniuteqartut
Naatsorsueqqissaartarfiulli paasissutissiaraa, qaffariaatip ilaa 4 procenti ilaatigut pissuteqartoq 2017-imi Naatsorsueqqissaartarfik unnuisarfinnit assigiinngitsunit siornatigut nalunaaruteqarsimanngitsunik nalunaarsuutinik pisimammat.
Tamanna pingaartumik Sermersooq Kangiani unnuisut 20 procentimik Kujallermi unnuisut 10 procentimik sunniuteqarput, Qaasuitsumilu annikinnerusumik sunniuteqarluni.
Pingaartumik Nunatsinneersut unnuisimasut
2017-imi 4 kvartalimi unnuisut amerlassusaat 2016-imi piffissami pineqartumut sanilliullugit 8,9 procentinik qaffariaateqarsimanerat akunnittarfiit malugaat.
Pingaarnertut 2017-imi 4. kvartalimi Kalaallit Nunaanneersut akunnittarfinni unnuisimapput, tassa Nunatsinniit unnuisut
14.241-iusimapput nunanillu allaneersut 4.093-iusimallutik