50 billioner kronit immami utaqqipput
- Ukiut tulliuttut 20-t nunarsuarmi tamarmi uuliamik gassimillu piiaanermi 50.000 milliard kronit tungaanut aningaasaliissutaasapput, taama isumaqarpoq Peter Blach Offshore Center Danmarkimiit.
Uulia gassilu isertitsissutaalluarsinnaapput. Offshore Center Danmark isumaqarpoq nunarsuaq tamakkerlugu 50.000 milliard kronit uuliasiornikkut gassimillu piianikkut aaneqarsinnaasut.
Taama allappoq Erhvervsbladet Esbjergimi immammi uuliasiorneq pillugu ataatsimeersuarnermi.
Offshore Center Danmark ilaatigut ilaasortani peqatigalugit Norge, nunarput, Brasilia, NigeriaAngolalu soqutiginaateqartutut nalilerpaat.
Tassani pisortaq Steen Brødbæk oqarpoq, nunani allani 50.000 milliard kornit nalinganut tuniniaasissat pissangartuusut. Assersuutitut taavai Brasilia aamma nunarput siunissami immammi uuliasiornissamut soqutiginnaateqartut.
- Nukissioriaatsit allat sammineqaraluaqisut uulia gassilu suli ukiorpassuarni nukissiuutaassapput pingaarnerit, Offshore Center Danmarkimi pisortaq Peter Blach isumaqarpoq.