Aalisarneq: 40 millionit koruunit maangaannarput
Tunisinermut killilersuinerit allaffissornerullu paamaarnera Upernaviup eqqaani qaleralinniarnermut akornusersuutaasut, aalisartut isumaqarput.
2018-mi qaleralittarineqartut naatsorsorneqarmata paasinarsivoq angallatit 6 meteri sinnerlugu Upernaviup eqqaani qaleralinniarnerat sineriammi allanut sanilliullugu angiluttorfiusimasoq.
Aviisi AG taama allappoq.
Angallatit pisarinngitsuugaat 2.469 tonsiupput. Polar Seafoodip suliffissualiariniagaa taakku naligaat – 40 millioner koruunit.
Upernaviup eqqaani pisut Naalakkersuisut anguniagaata akerlerluinnarai tassami angallatit naammassisaqarsinnaanerusut inerisarnissaat kissaatigineqarmat.
Umiatsiaararsortut aalalluarnerusut
Pisat nalunaarsorneqarnerisa takutippaat umiatsiaararsortut aalalluarnerusimasut.
Angalatilli anginerit Upernaviup eqqaani pisassiissutit 33 procentiinnaat pisarisimavaat.
Angallatilli eqqartorneqartillugit ajornartorsiut assigiinngitsunik pissuteqartoq, aviisi allappoq.
Tulaassinermut killilersuineq annertuumik ajornartorsiutigineqartoq, KNAPK-mi siulittaasoq, Henrik Sandgreen, oqarpoq.
KNAPK-p siulittaasuata AG-mut nassuiaanera tamakkiisoq aviisimi atuarsinnaavat – aviisi uani ataani pissarsiarisinnaavat: