Aalisarneq pillugu inatsisissaq ikuallanneqartoq
Aalisarneq pillugu inatsisissatut siunnersuut akuersaarneqarsinnaanngitsoq, tusaaneqarnissarlu siunertaralugu inatsisissatut siunnersuut ikuallakkitsik, Maniitsumi aalisartut piniartullu oqarput.
Maniitsumi aalisartut piniartullu aaqqissuussaannik aalisarneq pillugu inatsisissatut siunnersuut 13. januar talittarfimmi unnukkut benzinamut ikuallanneqarpoq.
Aviisi Sermitsiaq taama allappoq.
- Inatsisissatut siunnersuut taamatut isikkoqartillugu akuerineqassappat, tamanna sinerissap qanittuani aalisartunut ajorluinnartumik kinguneqassasoq, taamaattumillu tusarniaanermut 24. januarimut killiliussaq sivitsorneqartariaqartoq, taakku isumaqarput.
Maniitsumi aalisartut piniartullu iliuusaat paasilluarsinnaagitsik, tassungalu assingusumik iliuuseqarnissartik naatsorsuutigigitsik, Sisimiuni aalisartut piniartullu peqatigiiffiat paasissutissiivoq.
Aviisimi Sermitsiami aalisarneq pillugu inatsisissatut siunnersuummut akerliussutsimik takutitsisoqarneranit, aammali allaaserisani allani oqaaseqartoqarnernit atuarnerusinnaavutit. Aviisi uani pissarsiariuk:
