Aalisarneq pillugu isumalioqatigiissitap isumaliuutissiissutaa naammassingajalerpoq
Aalisarneq pillugu isumalioqatigiissitap isumaliuutissiissutaa, aalisarneq pillugu inatsimmut nutaamut tunngaviusussaq maannakkut Aalisarnermut, Piniarnermut Nunalerinermullu Naalakkersuisoqarfimmit nutserisunut nassiunneqarpoq, isumaliuutissiissut ukiup ataatsip ingerlanerani suliarineqareerluni.
Annonse
Isumalioqatigiissitami ilaasortat 17-iusut ippassaq naggataamik ataatsimiipput. Ataatsimiinnermi tassani ilaasortat isumaliuutissiissummi quppernerit kingulliit allappaat, isumaliuutissiissut Kalaallit Nunaani aalisarneq pillugu inatsimmut nutaamut tunngaviusussaavoq, knr.gl allappoq.
Aalisarneq pillugu isumalioqatigiissitap siulittaasuata, Aalisarnermut, Piniarnermut Nunalerinermullu Naalakkersuisumut Finn Karlsenimut, isumaliuutissiissut pisortatigoortumik 1. februaarip missaani tunniutissavaa.