Aalisarneq pillugu saqqummersitsineq allilerneqarpoq
Kalaallit nunaanni aalisarneq pillugu saqqummersitsineq kisiartaasoq pilersaarutaasutut upernaaq manna naammassineqassaaq
Aalisarneq pillugu saqqummersitsinerullu sinaakkutai maanna 400 kvadratmeterinik tamakkiisumik allilerneqassaaq taakku ilusilerneqarlutik tupipiluunersuarnik angallattakkanik Avannaata Kommunianiik aningaasaliiffigineqarsimasunik.
Aaqqissuisut Aalborg Kongres & Kultur Center tusagassiutinut nalunaarummi allapput.
Alliliineq tamanna pissute-qarpoq, soorlu taaguutaata ersersikkaa, ukioq manna saqqummersitsineq siunissami aamma piniarnermut isiginiarnerulissammat, siusinnerusukkut annerusumik aalisarneq kisiat sammineqarsimalluni. Coronavirusertoqarnera pissutaalluni saqqummersitsineq unitsiinnarneqassanngilaq.
- Nunannaarutigaara oqaluttuarisinnaallugu, PolarExpo / Fishing & Hunting 2020-imut pilersaarutit, naak ima atugaqaraluarluta, pilersaarutaasutut ingerlammata. Uanga allallu saqqummersitsinissa-mut attuumassuteqartuusugut isumalluaqaagut, qilanaaqaagullu ukioq manna saqqummersitsinis-samut matut ammarnissaannut, Palle Jeremiassen tusagassiutinut nalunaarummi oqarpoq.
PolarExpo / Fishing & Hunting ingerlanneqassaaq ulluni 6.-8.oktober Ilulissat Timersortarfianni.
Aalisarnermik saqqummersitsinersuaq kingulleq 2018-mi pivoq, taamani PolarFish taaguutigalugu, tassungalu 1800-nik ikinnerunngitsut tikeraarlutik saqqummerstsinermut aqqusaartarsimapput kitaani Sisimiuni.