NAALAKKERSUISUT
Aalisarnermi aningaasarsiornermi Institutteqalissaagut
Aalisarnermi aningaasaqarneq eqqarsaatigalugu Kalaallit
Nunaanni ilisimatusarnissamut periarfissaqanngilaq, aalisarnermi aningaasarsiornermi institutti tamatumani iluaqutaassasoq, Naalakkersuisut isumaqarput.
Aalisarnermi aningaasaqarneq eqqarsaatigalugu Kalaallit Nunaanni ilisimatusarnissamut periarfissaqanngilaq, aalisarnermi aningaasarsiornermi institutti tamatumani iluaqutaasinnaavoq.
Leiff Josefsen
Aalisarneq inuiaqatigiillu aningaasaqarneranni pingaaruteqarnera ineriartorteqqinneqassappat, Kalaallit Nunaanni aalisarnermik inuussutissarsiuteqartut nukittunerusumik avatangiiseqarnissaat pisariaqartoq, Naalakkersuisut aalisarnermut inatsimmut nutaamut isumaliutissiissumminni ilisimatitsipput.
Naalakkersuisut suleqatigiissitaliorniarput aalisarnermi aningaasaqarnermut instituttimik pilersitsinissamut siunnersuuteqartussamik. Suleqatigiissitaliornissamut naalakkersuisoqarfinnit attuumassuteqartunit, ilinniarfinnit aalisarnermillu inuussutissarsiuteqartunit sinniisoqassaaq. Pilersaarutaavoq suleqatigiissitaliap siunnersuutaa 2025-mi ukiakkut ataatsimiinnermi Inatsisartunut saqqummiunneqassasoq.
Aalisarnermut Ataatsimiititaliarsuup inerniliinera tunngavigalugu suliniut nutaaq pilersinneqarpoq, tassani inerniliunneqarpoq „Kalaallit
Nunaanni ilisimatusarnissamut periarfissaqanngitsoq taamaasillunilu aalisarnermi
aningaasarsiorneq pillugu immikkut piginnaasaqarfiusumik pituttorsimanngitsumik suliamik
sammisaqarfiusumik peqanngitsoq“.
Pissutsit imminnut assortuuttut
- Aalisarneq pillugu Ataatsimiititaliarsuaq oqaatigaa
qitiusumik allaffeqarfiup avataani aalisarnermi aningaasarsiornikkut tunngassuteqartunik
suliaqarlutillu ilisimatusartunik naammattuugassaqanngitsoq aamma Ilisimatusarfimmi
Pinngortitaleriffimmilu. Pissutsit taamaanneri imminnut assortuuttutut isikkoqarsinnaavoq
ataatsimummi tapiissutit saniatigut isertitagut amerlanersaat aalisarnermeersuummata, Naalakkersuisut isumaliutissiissummi allapput ilallugulu:
- Aalisarneq taassumalu inuiaqatigiit aningaasarsiornerannut pingaaruteqarnera
ineriartorteqqinneqassappata taava Kalaallit Nunaanni sulianut tunngasuni avatangiisinut
nukittunerusut pilersittariaqarpagut, ilisimatusarnikkut ilinniartitaanikkullu,
inuussutissarsiummut politikikkullu aaqqissuussinernut ilaqutaasinnaasut.
