Aalisarnermut siunnersuisoqatigiit saarullittassat agguaateqqinniarpaat
Siunnersuisoqatigiit selskabinut nutaanut pisassiissutit arsaarinnissutiginiarpaat.
Aalisarnermut siunnersuisoqatigiit inassutigaat saarullittassiissutit arlallit assortuussutigineqartut inuussutissarsiornermi nutaarluinnarmik ingerlatsilersunit arsaarinnissutigineqassasut.
Taarsiullugu pisassiissutit umiarsuaatileqatigiinnut ingerlalluareersunut, angallammut, atortunut il.il. aningaasaliissuteqarsimasunut agguaanneqassapput.
Aalisarnermi peqataasup aalajangeeqataasup siunnersuutaa pisimasup qaammatini arlalinni ingerlasimasup killiffigigallarpaa. Pisimasoq pilerpoq selskabit nutaat, Ilulissani North Greenland Seafood Tasiilamilu Tunumi Tsuuddii 1.000 aamma 1.200 tonsinik avataani saarullittassimmatigit. Umiarsuaatileqatigiiffiillu pisassinneqarput akuersissummik tunineqarnissamut piumasaqaatit naammassinngikkaluaraat.
Siunnersuisoqatigiit siulittaasuata Jens K. Lyberthip, Kalaallit Nunaanni Sulisitsisut Peqatigiiffianneersup (GA), tikkuarpaa siunnersuisoqatigiit siunnersuutaannut arlalinnik pissuteqartoqartoq: Umiarsuaatileqatigiit mikinerusut aningaasarsiorniarneq ajornakusoortikkaluttuinnarpaat, Pinngortitaleriffiup inassutigaa aalisarneq arlalitsigut annikillisarneqassasoq. Kiisalu uuliap akiata qaffakkaluttuinnarnera inuussutissarsiummut annertuumik artukkiivoq.
Sermitsiaq Inuussutit atuaruk.