Aalisartut aalisarlik
Ilulissani politikkerit Siumumeersut naalakkersuisunut kajumissaaripput Qeqertarsuup tunuani aalisarnermik unitsitsigatik qaleralittassanik qaffaaqqullugit
- Ulluni tulliuttuni qaleralittassat Diskobugtimi aalisarneqarnerisa unitsinneqalernerat pinngitsoorusullugu, Siumut Ilulissat sinnerlugu matumuuna kikkut tamaasa Naalakkersuinermik ingerlataqartut innuttaasullu tamaasa saaffigaagut ikioqulluta. Taama Siumut Ilulissanit naalakkersuisunut allakkat ammasut nipeqarput, Palle Jerimiassenimit atsiorneqarsimasut.
De skriver at det vil være det mest vanskelige, der nogensinde er sket i Grønlands historie, hvis hellefiskeriet stopper. Taakku allapput qaleralinniarneq unitsinneqassappat Nunatta oqaluttuarisaanerani pisussaq ilungersunarnepaauniarunartoq, aalisarluartoqarmat suliffissuarnilu sullittut amerlaqimmata.
Ilaqutariippassuit Qaasuitsup Kommuniani najugaqartut ilisimavaat sila unerisimanngitsillugu piffissamilu aningaasat atorfissaqartinneqarnerpaaffiani aningaasarsiorfissaq annaanneqassasoq. Suleqatigiittariaqarpugut nukissagut tamaasa atorlugit pinaveersaartitsiniaalluta.
- Aalisartut, Qaasuitsup kommuniatalu aalisagartassanik ilaseqqusinerat Siumut Ilulissaniit tamakkiisumik tapersersorparput, siornami Diskobugtimi qaleralittassanut ilanngaataasimasut 800 tonsit minnerpaamik ukiup sinneranut qaleralittassatut ikkuteqqinneqartariaqarput, tamannalu Siumut Ilulissaniit piumasaraarput.
- Inuup suliffeqartup aalisarnermillu piniarnermillu ingerlataqartup inuttut naleqassuseq kinaassutsimillu pingaartitsineq tulluusimaarluni pilersuisuugami pingisarpaa, massakkulli inuit ataqqinassusiiarlugit kinaassutaannillu arsaarlugit suliffissaaleqinermut soriarsinnaaunnaartillugit, ukiup taamaasinerani ilungersunarnerpaaffiusumi, inissinneqalerput, naak nalunatigu aalisagalissuusoq, tamanna akuersaarneqarsinnaanngilluinnarpoq.
Siumut Ilulissaniit neriuppugut inuit atugaannik paasinnittoqarluni, inuttullu inoqatinut misigissuseqarluni paasinnittoqarluni pisussamut taama imaannaanngitsigisumut pinngitsoortitsisoqarsinnaassasoq. Naalakkersuisut tamaasa ilungersorluta saaffigaagut suliamut ilungersunartumut aaqqiiniarnitsinnut peqataaqqullugit, ajornanngippallu maanga Ilulissanut pisut nalaanni aggerlutik pineqartunut oqaloqatiginnikkiartoqqullugit.