Juullimut pinnattaat
Aalisartut juullisunnittunik agguarneqartut
Royal Greenlandip pisarnini malillugu aalisartut kitaata sineriaaneersut puunik juullisunnitsunik imalinnik agguaassiffigisimavai
Pisarneq malillugu Royal Greenlandip kujataani Aappilattumiit avannaani Qaanaamut tunisassiorfiinut 37-nut, aalisartunut aalajaallutik tunisisartunut puunik juullisunnitsunik imalinnik suliffeqarfissuarmit agguarneqarsimapput.
Aalisartut 1.500-t sinnilaarlugit, eqqoqqinnaarlugu 1.504-nik amerlassusillit puunik juullisunnitsunik imalinnik, soorlu makkunannga qeerlutooq, flæskesteg, naatsiiat kajortitassat rødkålillu, qaqorteqqasut, qaqqortarissat, vanillesukkut, piskefløde aammalu kirsebærsauce ris a la mandeliassat kiisalu kaffit mamakujuillu assigiinngitsut arfinillinnik imalik pinnattaaraat.
Taama Royal Greenland nittartakkamini allappoq.
- Maani Maniitsumi aalisartut uatsinnut tulaassuisartut 63-t katerisimaartippagut. Kaffi, tii, kaageeqqallu sassaalliutigaagut, ilaatigullu juullisiutinik tussiarluta. Aalisartut puunnattatik nuanaarutigisorujussuuaat, taamaammat nuannisaqaagut, tunisassiorfimmi ingerlatsisoq Pele Nathansen Royal Greenlandimut oqaluttuarpoq.