Aallarnisaasunut akissarsiarititaq 2024-mi Milak Productions ApS-imut tunniunneqarpoq
Inuussutissarsiornermi aningaasaateqarfiup siulersuisuisa Aallartisaasunut akissarsiarititaq 2024-mi Ulloriaq
& Paarma Kreutzmann, Milak Productions ApS-imik pilersitsisunut tunniutissallugu aalajangiussimavaat. Ulloriaq Kreutzmann sanasutut suliffeqarfiup ingerlalluartup saniatigut, nuliani Paarma peqatigalugu Milak
Productions ApS, najukkami qimmit nerisassaanik nioqqutissiorfiusoq pilersinnikuuaat.
Jesper Schrøderip Ulloriaq Paarmalu Kreutzmann sinnerlugit allagartaq tiguaa.
Peter Fleischer Rex
Aappariit Ulloriaq Kreutzmann Paarma Lund Kreutzmannilu, Sisimiuneersut, GrønlandsBANKENip Inuussutissarsiornermi aningaasaateqarfiup Aallartisaasunut akissarsiaritittagaanut nersornaaserneqarput.
Taakku Milak Productions ApS-imik pilersitsinertik pissutigalugu nersornaaserneqarput. Qimminut nerisassanik piujuartitsisumik nunaqavissunut tunisassiorniarlutik suliniuteqarnerat pillugu nersornaat tunniunneqarpoq.
GrønlandsBankenip inuussutissarsiornermi aningaasaateqarfiup ukiuni arlalinni inunnut imaluunniit suliffeqarfinnut, sulinerminni immikkut piumassuseqqortuunut, kajumissusilinnut aamma malunnartumik suliniuteqartunut aallartisaasunut akissarsiaritittakkani tunniuttarpaa – piffissallu ingerlanerani Kalaallit Nunaanni sumiiffinni assigiinngitsunit kiisalu inuussutissarsiorfinni assigiinngitsunit akissarsititsisoqartarnikuuvoq.
Nioqqutissat sinneri piujuartinneqarlutik tunisassiarineqartartut
Inuussutissarsiornermi aningaasaateqarfiup siulersuisuisa Aallartisaasunut akissarsiarititaq 2024-mi Ulloriaq Kreutzmannimut Paarma Lund Kreutzmannimullu, Milak Productions ApS-imik pilersitsimanerannut tunniutissallugu aalajangiussimavaat.
- Ulloriaq Kreutzmann sanasutut suliffeqarfiup ingerlalluartup saniatigut, nuliani Paarma peqatigalugu Milak Productions ApS, najukkami qimmit nerisassaanik nioqqutissiorfiusoq pilersinnikuuaat.
- Qularnanngilaq, nioqqutissiortut nunani allaneersutangisuut toqqaannartumik unammillerlugitsuliffeqarfimmik taama ittumik aallartitsineq unammillernartuusoq, suliniullikajumissaasertariaqarpoq kiisalu GrønlandsBANKEN-ip Inuussutissarsiornermi aningaasaateqarfiata Aallartisaasunut akissarsiaritittagaa pissarsiarisariaqarpaa, Grønlandsbanken tusagassiuutitigut nalunaarummi allappoq, nangillunilu:
- Neqi A/S-imit, PolarSeafood A/S-imit aamma Halibut Greenland A/S-imit eqqakkat suliffeqarfissinnik atorluarnissaannut periarfissaq tiguarsi, tamatumani siunertaralugu aningaasaqarnikkut aamma avatangiisinut piujuartitsisumik nunami nioqqutissiornerup pilersinnissaa.
- Milak Productions ApS aamma aappariit, Ulloriaq aamma Paarma Lund Kreutzmann Kalaallit Nunaanni aallartisaasunut allanut isumassarsiortitsivusi, kissaatigaarpullu 2024-mi Inuussutissarsiornermi aningaasaateqarfiup akissarsiarititaanik kaammattornissarsi najukkami piujuartitsilluni nioqqutissiornermik pilersitsillunisulinerup pitsaasup ingerlatiinnarnissaanut, GrønlandsBanken naggasiivoq.
