Aasamut ilaasut malunnaatilimmik amerlanerussasut
Air Greenlandip imarpik qulaallugu timmisartuussinissamut pilersaarutini annertusivai, maannakkorpiarlu 2022 ilaasoqarnikkut maannamut ukiumit rekordiliiffiusimasumit 2019-imit pitsaanerusussatut isikkoqarpoq.
- Air Greenlandimut ukioq coronamik silamillu unammilligassat pissutigalugit aallartinnerlorujussuarsimavoq. Januaari, februaarimi marsillu aallartinnera pitsaanngilluinnarsimapput. Kisianni marsip naalernerani ilorraap’tungaanut aallartoqarpoq, maannalu ukioq ingerlalluartussatut isikkoqalerpoq, Air Greenlandip pisortaanera, Jacob Nitter Sørensen, aviisimut Sermitsiamut oqaluttuarpoq.
Piffissaq timmisartuussiviusoq sivitsorneqassasoq
- Takornariaqarnerup iluani ingerlatsisut tamarmik piffissap takornariaqarfiusup sivisunerulersinnissaanik kiisalu piffissani takornariaqarfiuallaanngitsuni angallannerpaaffiup siornatigut kingornatigullu pisartuni takornarianik amerlanerusunik Kalaallit Nunaannut tikisitsiniarnissamik suleqatigiissuteqarsimapput. Tamanna ukioq manna iluatsittussatut aamma takornariaqarnikkut ukiup ingerlalluartorujussuunissaatut isikkoqarpoq, oqarpoq.
- Ilulissat ukioq manna ukiup taamaalinerani siornatigut taama takornariaqartiginngisaannarsimavoq. Danmarkimi, nunani avannarlerni Tysklandimilu coronamik nappaalanersuup qaangiunnerata kingorna takornariat qanoq sukkatigisumik uteqqissimanerat tupinnaannarpoq, tamannalu suliaqarfimmi tamatta iluaqutigisussanngorparput.
- Angalatitsiviit tamarmik Kalaallit Nunaannut angalanerit piumaneqarnerisa annertusiartornerannik misigisaqarput. Nunatta Angalatitsiviaannaanngitsoq, aammali Tipas, Albatros, Profilrejser allallu.
Allaaserisaq tamaat uani Sermitsiami pisiarisinnaasanni atuaruk: